Peace Corps Timor Leste – Fasilitadór Língua & Kultura ou Language & Cross-Cultural Facilitator (LCF) – CD 16 de Novembro de 2016


Peace Corps Timor Leste

Peace Corps Timor Leste

Timor-Leste

          In-Service Training/Reconnect (IST)

Language & Cross-Cultural Facilitator (LCF)

Vaga Anunsiu Serbisu

Títulu Pozisaun         

Fasilitadór Língua & Kultura ou Language & Cross-Cultural Facilitator (LCF)

Durasaun Serbisu

Serbisu loron 10 (tuir treinamentu ba treinadór ba loron 4 no loron 6 ba serbisu)

Loron Estimasaun serbisu

loron 5 to 18 fulan Janeiru. Inklui serbisu loron-sorin iha sabadu

Data hahu anunsiu ba vaga

9 de Novembru 2016

Data ikus anunsiu ba vaga

16 de Novembru 2016

Estimasaun Salariu

USD 22.87 – 38.44 kada loron baseia ba esperensia no kualifikasaun

SUMARIU BA POZISAUN

Corpo da Pás hakarak buka LCF ne’ebé enerjétiku no ambisiozu ho esperiensia iha língua maternal. Corpo da Pás minimu iha intensaun atu fo kontratu ba:

–          Ema ne’ebé ko’alia língua Makasae nain 1.

–          Ema ne’ebé ko’alia língua Waimua nain 1.

–          Ema ne’ebé ko’alia língua Mambae husi Aileu nain 2.

–          Ema ne’ebé ko’alia língua Mambae husi Ainaro nain 1.

–          Ema ne’ebé ko’alia língua Mambae husi Ermera nain 1.

–          Ema ne’ebé ko’alia língua Tokodede nain 1. No,

–          Ema ne’ebé ko’alia língua Tetun nain 2.

Corpo da Pás enkoraza diversidade no enkoraza aplikante sira husi distritu ne’ebé iha leten no sei laiha diskriminasaun bazeia ba generu, tinan, grupu étniku, orientasaun seksual no relijiaun.

Fasilitadór língua  & Kultura (LCF) sei responsavel ba dezenvolvimentu no fasilita implimentasaun língua  Tetun no língua lokál seluk ne’ebé kualidade ho maizumenus loron 6. LCF sei hanorin Voluntáriu Amerikanu/a sira ne’ebé durante fulan 3 ona hela no serbisu iha Timor-Leste. Voluntáriu sira iha ona profisiensia bazika iha língua  Tetun no instrusaun lingua nian iha periodu In-Service Training (IST) ne’ebé sei haklean sira nia língua  hodi foka liu ba língua  ne’ebé relasiona ho sira-nia objetivu serbisu ka introdús língua  lokál ruma ba Voluntáriu balun.

LCF sei hanorin  Voluntáriu iha grupu ki’ikoan besik 3 to 5 durante periodu IST. LCF sei hanorin klase língua Tetun no língua lokál sira seluk, tuir nesesidade Voluntáriu sira nian, no efetivamente utiliza tekniku, metódu, rekursu no atividade treinamentu língua nian ne’ebé oi-oin. LCF mos sei serbisu besik liu LCC atu dezenhu, planu, implimenta no avalia atividade treinamentu língua no Kultura.

Pozisaun ida ne’e ba tempu badak no presija LCF sira atu:

–          Hela no serbisu loron-tomak iha sentru treinamentu (fatin sei determina)

–          Atende treinamentu ba treinadór durante loron 4, parese iha fulan Janeiru loron 5, 6, 9 no 10.

–          Hanorin língua durante oras 3 to 5 loro-loron iha loron 11 to 18 fulan Janeiru. Inklui loron-sorin iha sabadu no domingu laiha klase.

–          Prepara lisaun, materiál hanorin no lisaun interativu iha loraik no kalan.

RESPONSAVEL PRINSIPAL IKLUI (MAIBE LA LIMITE BA):

Antes Treinamentu (IST)

–          Aprende no kuñese Corpo da Pás nia Meta, politika, filosofia treinamentu no metódu dezeñu no avaliasaun.

–          Partisipa iha sesaun treinamentu ba treinadór no atividade sira antes ba IST inklui programa preparasaun komponenti língua nian no prepara estratéjia no kontiudu ba língua Tetun no língua lokál sira seluk ba programa treinamentu.

Durante Treinamentu (IST)

–          Hanorin klase língua Tetun no língua lokál seluk ba Voluntáriu grupu ki’ikoan (Voluntáriu 3 to 5) utiliza maneira komunikativu oi-oin no meiu aprendizajen ne’ebé interativu. Klase sei halao iha sentru treinamentu maizumenus loron 6 iha semana ida ho oras 3 to 5 loro-loron.

–          Garante utiliza prinsipiu aprendizajen-adultu nian no metódu komunikativu hodi hanorin.

–          Rona Voluntáriu sira-nia komentariu no avaliasaun konaba klase língua no atividade sira, responde ba kritika ne’ebé konstrutivu no haka’as an atu ajusta ba sesaun sira ne’ebé planeadu.

–          Sai hanesan fonte kultura ba Voluntáriu sira. Haka’as an atu presenta objetivu no hanoin ne’ebé la inklina konaba tradisaun no pratika sira iha Timor-Leste no enkoraja Voluntáriu sira buka rasik sira-nia solusaun.

KUALIFIKASAUN

–          Ema Timor-oan.

–          Remata eskola sekundariu ka estudante universitariu. Karik graduadu sei vantazen maibe laos ezijénsia.

–          Hakerek no ko’alia Tetun moos.

–          LCF sira balu tenki ko’alia lian-inan ba língua lokál seluk hanesan Makasae, Waimua, Tokodede no Mambae – Aileu, Ainaro no Ermera.

–          Hatene Inglés basiku diak-liutan maibe laos ezijénsia.

–          Konfortavel lidera grupu ki’ikoan klase Tetun no língua lokál seluk. Hatudu esperensia fasilita grupu ki’ikoan sira hanesan vantagen ida mos.

–          Iha vontade atu serbisu ho ekipa iha kultura ne’ebé diferente ne’ebé inklui staff Amerikanu/a no Timoroan sira.

–          Iha vantazen karik antes serbisu ona ho Amerikanu/a sira ka hela iha rai-liur.

–          Iha disponibilidade atu serbisu ba loron nebe termina ona.

–          Abilidade atu organiza, iha hanoin nebe klaru, no involvementu ba hakerek no koalia lingua Tetun.

–          Abilidade pesoál: bele tuir instrusaun, fleksivel, pasensia, adaptavel, bele fo fiar, iha sensibilidade ho humor, sensitivu ba generu no kestaun diversidade.

Atu aplika ba pozisaun ne’e favór tuir instrusaun tuir mai ne’e:

–          Haruka ita-nia CV no karta aplikasaun ba:   easttimorpc@peacecorps.gov

–          Iha Títulu email hakerek: Aplikasaun ba LCF/indika ita-nia língua lokál ne’ebé ita ko’alia.

–          Indika klaramente iha ita-nia karta aplikasaun língua lokál Timor nian ne’ebé ita ko’alia no nia nivel fluensia.

–          Hatete klaru mos iha ita-nia karta aplikasaun karik ita-boot bele serbisu tuir loron kontratu ne’ebé temi iha leten (loron 5 to 18 fulan Janeiru) no hakarak hela iha sentru treinamentu.

–          Iha ita-boot-nia CV no karta aplikasaun hakerek mos ita-boot-nia resposta ba pergunta ida husi pergunta rua tuir mai ne’e no labele liu letra 150. Ita-boot tenki hili pergunta ida de’it no responde iha língua Tetun:

A.      Esplika ba ema estranjeiru ida ne’ebé ladun hatene konaba Timor-Leste no saida mak halo ita orgullu ba ita-nia nasaun. Inklui informasaun espesífiku konaba ita-boot-nia regiaun iha Timor-Leste.

OU

B.      Konta istoria ida konaba momentu ita-boot hanorin ema ida oinsa atu halo buat ruma ne’ebé ante nia lahatene oinsa atu halo. Oinsa ita-boot-nia sentimentu no ita-boot aprende buat ruma iha prosesu ne’e ka la’e?

Ita-nia aplikasaun inisiál sei selesiona bazeia ba:

1.      Bele tuir instrusaun no kompleta prosesu hotu ne’ebé hakerek iha prosesu aplikasaun.

2.      Degrau ba iha funsaun baziku serbisu nian ne’ebé fo sai iha anúnsiu (lian maternal, disponivel iha loron treinamentu, disponivel atu hela iha fatin treinamentu)

3.      Kualidade atu responde ba pergunta iha leten (inklui oinsa organiza ita-nia hanoin no uza língua).

4.      Hakerek iha ita-boot-nia CV no karta aplikasaun ita-nia kuñesimentu, abilidade no attitude ne’ebé relevante.

5.      Fluensia iha língua sira ne’ebé hakerek iha leten.

Prosesu Rekrutamentu:

Hafoin halao revisaun ba aplikante sira hotu ba dokumentu sira ne’ebé hatama ona, aplikante sira ne’ebé ho valor boot sei konvida atu tuir entrevista no workshop ba avalisaun tuirmai. Depende ba numéru aplikante ne’ebé kualifikadu hodi halao entrevista iha grupu 2 to 3 sei halao iha loron 23 no 25 fulan Novembru 2016.

Loron ikus hatama aplikasaun: Loron Kinta, 16 fulan Novembru 2016 ba revisaun dahuluk. No pozisaun ne’e loke to bainhira hetan ona kandidatu sira. Sei la simu telefone no visita mai Corpo da Pás-nia edifisiu relasiona ho pozisaun ida ne’e no sei telefone de’it kanidatu ne’ebé sei konvida ba entrevista iha grupu.

 

Corpo da Pás fornese igualdade oportunidade serbisu ba ema hotu-hotu.

One thought on “Peace Corps Timor Leste – Fasilitadór Língua & Kultura ou Language & Cross-Cultural Facilitator (LCF) – CD 16 de Novembro de 2016

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s