USAID’S AVANSA AGRIKULTURA PROJECT – Request for Quote – RFQ – CD 16 de Setembro de 2016


USAID

USAID

Tabela ba Konteúdu

Deklarasaun Konfidensialidade no Konflitu ba Interese

Deklarasaun Konfidensialidade no Konflitu ba Interese

Detalla ba Submisaun

Prazu ba Submisun no Detalla

Perguntas no Klarifikasaun

Introdusaun no Sumariu Ezekutivu

Fundu ba Ativity

Detalla Ámbitu Servisu

Aplikante nia Kualifikasaun no Esperiénsia

Konteúdu no Estrutura Proposta

Supozisaun no Lidmitasaun

Termus no Kondisaun

Tipu Kontratu ne’ebé sei Rezulta

Kritériu Selesaun

Renúnsia

Deklarasaun Konfidensialidade no Konflitu ba Interese

Dokumentus ida ne’e ho ninia anexu sira bele kontein informasaun konfidensíal no/ka priviléjiu hodi uza mesak deit ba simu-na’in ne’ebé intende ba. Se ita boot laos simu-na’in ne’ebé intende ba, uzu ruma, distribuisaun ka kopia informasaun ne’ebé kontein iha dokumentus ne’e no ninia anexu sira bandu maka’as. Se karik ita boot simu ona tanba sala iha komunikasaun, halo favor email ka haruka karta ba ema ne’ebé haruka no imediatamente hamos no estraga tiha kopia dokumentus ne’e no ninia anexu ruma. Wainhira laiha notisia ruma fo ba, informasaun hotu-hotu kontein iha ne’e informasaun konfidensíal ba Cardno Emerging Markets USA Ltd.

Aplikante sira tenki labele iha konflitu ba interese ne’ebé eziste ka iha potensia wainhira hato’o aplikasaun/oferese ba Cardno.

Detalla ba Submisaun

Prazu ba Submisun no Detalla

Submisaun hotu-hotu responde ba pedidu ne’e tenki submete husi email ba grants@avansaag.com ka entrega iha eskritoriu USAID nia Projetu Avansa Agrikultura la liu husi loron:

Setembru 16, 2016, 17.00 lorokraik OTL.

Perguntas no Klarifikasaun

Perguntas no klarifikasaun hotu-hotu tenki submete iha eskrita liu husi email ba enderesu email iha kraik ne’e ka entrega iha eskritoriu USAID nia Projetu Avansa Agrikultura, la liu husi loron:

Setembru 9, 2016, 17:00 lorokraik OTL

Laiha perguntas ruma ne’ebé sei responde liu husi telephone. Karik iha perguntas ruma mak submete, resposta iha eskrita sei sirkula ba aplikante hotu-hotu. Haruka email ba: grants@avansaag.com ho asuntu: Treinamentu ba Organizasaun konaba Tunel Au (Bambu) A’as no Badak ba USAID nia Projetu Avansa Agrikultura – AID-472-C-15-00001-RFQ-#005.

Validade proposta: Proposta tenki validu minimu loron 15 husi loron submisaun nian.

Padraun ba Dokumentus:

·        Tenki iha formatu Microsoft Word format

·        Naran dokumentus tenki termina ho “.doc”

 

Introdusaun no Sumariu Ezekutivu

USAID nia Projetu Avansa Agrikultura ne’e atividade kadeia de valor hortikultura nian ho objetivu atu hatan/reponsde ba dezafiu importante sira ba moris kiak iha area rural, degradasaun rekursu naturál, inseguransa ai-han no menus nutrisaun. Abordajen kadeia de valor sei aplika hodi atinji produtividade ne’ebé hasa’e ona tuir kadeia de valor hortikultura sira ne’ebé importante inklui modo, ai-fuan no ai-horis leguminosa.  Liu husi promosaun pratika produsaun sustentavel, hasa’e funsionalidade grupu no asosiasaun agrikultor sira, hadi’ak ligasaun merkadu, no aumenta disponibilidade no asesu ba fornesimentu insumu no servisu agríkola, inklui asesu ba finansas, projetu ne’e sei alvu atu estimula no suporta hasa’e atividade no kresimentu ekonómiku iha komunidade rural no munisipiu sira ne’ebé alvu ba. Sustentabilidade ba intervensaun hirak ne’e sei suporta husi servisu atu mantein polítika ne’ebé diak no ambiente ne’ebé hakbi’it ba seitor relevante, nune’e mós esforsu atu hasa’e resilensia ba mudansa klimatika no hadi’ak jestaun rekursu naturál tanba iha relasaun ho sistema agrikultura.

Objetivu jeral Avansa Ag nian mak kresimentu ekonómiku ne’ebé sustentavel no inkluzivu aseleradu iha seitor agrikultura. Wainhira projetu ne’e remata, sei antisipa maizumenus ema nain 33,000 iha komunidade 250 nia laran, mak sei hetan rendimentu ne’ebé a’as liu, hatudu pratika nutrisaun ne’ebé hadi’ak ona, no jere sira nia vantajen económiku ho efetivu liu tan. Ida ne’e sei atinji liu husi sub-objetivu rua (2) projetu nian no rezultadu korespondente ualu (8).

Sub-Objetivu 1 – Hasa’e Produtividade Kadeia de Valor Hortikultura

     1. Mantein ka Hadi’ak Polítika no Ambiente ne’ebé fo kbi’it

     2. Hasa’e Resilensia Mudansa Klimatika liu husi Jestaun Rekursu Naturál

     3. Adopta Pratika Produsaun Sustentavel sira iha Nivel To’os

     4. Hametin Kapasidade Grupu no Asosiasaun Agrikultor sira

     5. Hadi’ak Ligasaun Merkadu

     6. Aumenta Disponibilidade Insumu no Servisu Agríkola ho Kualidade

Sub-Objetivu 2 – Aumenta Abilidade Timor-Oan sira nian atu Involve iha Atividade Ekonómiku

     7. Hadi’ak Pratika Nutrisaun no Sanitasaun

     8. Hadi’ak Abilidade atu Utiliza Vantajen Produtivu ba Atividade Ekonómiku

Projetu ne’e sei servisu iha munisipiu sira ne’ebé kontiguas/besik malu no uza maneira korredór ne’ebé sei permite fornesedor sasán no servisu sira atu bele prontu liu tan hodi la’o/muda ba no husi merkadu durante fase produsaun no konsumu ba kadeia de valor agrikultura. Maneira korredór ne’e (munisipiu sira ne’ebé besik malu) sei inklui perspetiva luan ba basia hidrografiku ba resiliensia meiu ambiente no asesu ba rekursu sira. Zona ba Influensia (ZOI) ida ne’e sei inklui munisipiu Dili, Aileu, Ermera, Ainaro, no Bobonaro.

Fundu ba Ativity

USAID nia Projetu Avansa Agrikultura mak suporta agrikultor sira atu hanaruk sira nia tempu kuda ai-horis no atu introduz teknolojia foun ho folin baratu ne’ebé permite agrikultor sira atu kuda ai-horis iha tempu udan. Projetu ne’e hala’o ona treinbamentu no kanteiru demostrasaun ho grupu agrikultor selesionadu konaba tekniku halo tunel a’as no badak. Tunel hirak ne’e halo husi au (Bambu). Material hirak ne’e laos deit baratu nune’e asesivel ba agrikultor sira, maibe dura no bele to’o tinan 10. Maski nune’e, agrikultor barak seidauk hatene konaba teknolojia ida ne’e.

Objetivu RFQ ida ne’e atu hametin ligasaun iha kadeia de valor agrikultura husi liga agrikultor sira ba fornesedor servisu negósiu (BSP) Timor nian. Iha kazu ida ne’e, ami hakarak hametin ligasaun entre fornesedor servisu negósiu tunel au ba agrikultor sira. Ami buka hela fornesedor servisu negósiu sira ne’ebé iha esperiénsia ne’ebé prova ona ba konstrusaun tunel au ne’ebé sei bele hala’o sesaun treinamentu informasaun ba agrikultor sira iha fatin 20 iha suco hirak ne’ebé projetu sei servisu ba[1].

USAID nia projetu Avansa Agrikultura buka hela atu kontrata organizasaun (firma, ONG, universidade, organizasaun peskiza, nst.) ne’ebé hanesan organizasaun ne’ebé rejistu ona iha Timor-Leste. Liu husi organizasaun ida mak sei selesiona ba servisu ne’e. Organizasaun ida-idak presiza preparadu atu inklui iha USAID nia projetu Avansa Agrikultura nia treinamentu konaba tekniku foun ba dezenvolvimentu/konstrusaun tunel molok sira ba hala’o kna’ar hirak tuir mai ne’e.

Detalla Ámbitu Servisu

Rekezitu Tekniku ka Negósiu: BSP ne’ebé selesionadu presiza dezenvolve treinamentu/sesaun informasaun ida atu hatudu ba agrikultor sira vantajen sistema tunel au nian.  Sesaun treinamentu ida ne’e sei revé husi staf USAID nia Projetu Avansa Agrikultura no refina/hadi’a karik nesesariu.

Monitoring: Sei fornese naran no informasaun kontaktu husi agrikultor hotu-hotu ne’ebé atende sesaun informasaun/treinamentu ba USAID nia Projetu Avansa Agrikultura.

Rezultadu no Orariu:  Parazu/tempu ne’ebé antesipa dezignasaun/kna’ar dahuluk/primeiru mak Setembru-Fevereiru.  Pelumenus sesaun informasaun/treinamentu rua (2) mak prevé atu hala’o kada semana. Hamutuk sesaun 20 mak sei hala’o.

Aplikante nia Kualifikasaun no Esperiénsia

Organizasaun ne’ebé iha interese tenki lista pesoál xave sira nia esperiésia no kualifikasaun ne’ebé relevante.

·        Prefíl, diploma, pesóal xave nia kualifikasaun nst.

·        Durasaun espriénsia

·        Numeru no naran kliente sira ne’ebé serve ona ho servisu ne’ebé hanesan

·        Esperiénsia kliente espesifiku (hanesan USAID/CDC nst.)

Konteúdu no Estrutura Proposta

RFQ tenki labele liu husi pajina 10 no tuir estrutura tuir mai ne’e:

·        Abordajen/maneira Teknika

o   Lista ajenda ba sesaun treinamentu/informasaun

·        Planu servisu indika sesaun sira sei hala’o wainhira no iha ne’ebé

·        Pesóal xave no staf

·        Kualifikasau no esperiénsia

o   Narativu ba esperiénsia relevante

o   Lista kliente sira agora no iha pasadu (la liu husi tinan tolu)

o   Naran no informasaun kontaktu husi pelumenus referénsia 3

·        Deklarasaun estabilidade finanseiru no konflitu ba interese

·        Detalla estrutura presu (detalla orsamentu no lukru)

Supozisaun no Lidmitasaun

Aplikante tenki konta kustu hotu-hotu iha presu ne’ebé oferese inklui maibe la limite ba kustu viajen, taxa, seguru, no visa, karik iha.

Termus no Kondisaun

a)     Apikante tenki entidade ne’ebé rejista legalmente iha Timor-Leste

b)     Sasán no servisu relasionadu hotu-hotu ne’ebé atu fornese tuir subkontratu ida (sira) ne’e tenki iha sira nia fonte nasionalidade iha nasaun sira ne’ebé iha lista tuir USAID nia Kodigu Jeografiku 937. Ba komodidade no servisu sira ne’ebé sei finansia tuir kontratu ruma ne’ebé sei rezulta, fornesedor tenki asegura katak sira konforme ho rekezitus 22 CFR Parte 228, “Regulamentu Aprovisionamentu ba Komodidade no servisu ne’ebé Finansia husi USAID” no AIDAR 752.225-70 “Rekezitu Fontes no Nasionalidade.”

c)     Firma/Kompañia ida sei konsidera inelijivel karik nia suspendidu, barradu, ka inelijivel, no/ka iha “Lista Konsolidasaun ba Nasaun Designadu sira” ka Sistema Jestaun ba  fo Kontratu iha https://screening.tradesphere.net (Livingston).

d)     Aplikante tenki hanoin katak Lei Orden Ezekutivu E.U.A nian bandu tranzasaun ho, no provizaun rekursus no suporta ba, individual ka organizasaun asosiadu ho terorismu. Ne’e reponsabilidade legal aplikante nian atu asegura konformidade ho Orden Ezekutivu no Lei hirak ne’e. Provizaun ne’e tenki inklui iha subkontratu hotu-hotu ne’ebé emite tuir RFQ ne’e.

e)     Aplikante sira tenki indika karik iha sira nia tinan fiskal liu ba, Aplikante simu ona:

i.  Porsentu 80 ka liu husi ninia rendimentu anual brutu ne’ebé mai husi fonte Governu E.U.A; no

ii. $25,000,000 ka liu husi ninia rendimentu anual brutu ne’ebé mai husi fonte Governu E.U.A

iii. Karik aplikante responde los ba kritériu ruma iha leten, Aplikante tenki fornese naran no total kompensasaun ba aplikante nia ezekutivu nain lima ne’ebé hetan kompensasaun a’as liu iha tinan fiskal liu ba.

Tipu Kontratu ne’ebé sei Rezulta

Kontratu ne’ebé sei rezulta/fó mak presu fixu ba kompañia ne’ebé bazeia ba ninia Orden Sosa iha baze valor diak liu, pagamentu bazeia ba marku milíariu ne’ebé aprezenta iha leten.

Kritériu Selesaun

A.     Kritériu selesaun ba RFQ mak hanesan lista tuir mai ne’e RFQ:

Abordajen Tekniku                                                                                      20

Planu servisu                                                                                              15

Planu Pesóal Xave no staf                                                                          20

Kualifikasaun no Esperiénsia                                                                      15

Total Orsamentu                                                                                         30

Total Pontus Maxímu                                                                                100

Renúnsia

Emisaun RFQ ida ne’e la konstitui komitmentu ruma ba kontratu husi parte CARDNO, no la komete CARDNO atu selu kustu ne’ebé gasta iha submisaun proposta.

Laiha buat ida iha dokumentu ne’e mak bele interpreta nu’udar oferta ida husi CARDNO no laiha termus, diskusaun, ka proposta ne’ebé bele kesi parte ida molok ezekusaun akordu definitivu ida. CARDNO iha direitu atu aseita ka rezeita oferta/aplikasaun ruma iha parte ka hotu ka kansela aprovizionamentu sein iha obrigasaun ba aplikante ruma.

Grants Team

USAID’s Avansa Agrikultura Project

 

Email: grants@avansaag.com

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s