CARE TL – Fasilitador ba Asesmentu Emergensia ( ERF Facilitator) – CD 10 de Fevereiro de 2016


CARE International in Timor Leste

CARE International in Timor Leste

JOB ADVERTISEMENT

Internally & Externally

CARE International in Timor-Leste – CITL

Projetu                                                  : Disaster Risk Reduction (DRR)

Posisaun                                                : Fasilitador ba Asesmentu Emergensia ( ERF Facilitator)

Salario                                                    : Hahu $17.41 / loron ida

Periodu Kontratu                                                : Loron 14

Lokasaun Servisu                                 : Baze Dili

 

INTRODUCTION:

CARE nu’udar organizasaun internasional nebe luta hodi hamenus kiak iha mundo,  nebe foka liu ba servisu hamutuk ho feto no labarik feto atu lori mudansa sustentavel ba sira nia komunidade. Nudar organizasaun non-religious nomos non-politikal, CARE servisu ho komunidade atu azuda kombate kiak liu husi asistensia dezenvolvimentu projetu nomos asistensia ba situasaun emerjensia. CARE fiar katak ho asistensia nebe fo ba feto sira nudar dalan ida nebe diak liu atu kria rezultadu nebe diak ba komunidade nebe sei mukit.

Rezumu ba Posisaun:

Fasilitador sei servisu iha ekipa ida no sei fasilita sorumutu iha komunidade hodi rekolha informasaun konaba impaktu husi elnino.  Nunemos sei responsabiliza masimu iha prosesu fasilitasaun workshop iha nivel tomak nebe planeia husi projetu.

  1. Responsabilidade Prinsipal:
  • Sei toma responsabilidade iha prosesu preparasaun workshop iha suco/Aldeia;
  • Sei responsabiliza masimu iha prosesu fasilitasaun workshop iha nivel tomak nebe’e planea husi projetu;
  • Sei demonstra utilizasaun metodologia CBCA no Participatory Rural Appraisal (PRA) hodi garantia partisipasaun maximu husi target komunidade feto no mane durante oragniza no fasilita eventu iha nivel baze.

 

  1. Planu no Administrasaun
  • Asiste DRR advisor iha prosesu preparasaun workshop atu observa implementasaun aktividade iha baze
  • Estabelese coordenasaun ho parseiru relevante atu hari’i relasaun nebe diak iha prosesu atu hetan partisipasaun tomak hahu husi inisiu to’o implementasaun remata;
  • Prepara planu servisu bazeia ba planu aktividade projetu liu husi koordenasaun ho DRR advisor;
  • Mantein no relata lista presenza no informasaun seluk ba parte Rekursu Umanu liu husi DRR advisor
  • Dezenvolve no kria ambiente servisu hamutuk nebe’e diak no garantia katak prosesu koordenasaun sempre mantein ho membrus ekipa projetu tomak
  1. Kestaun Koordenasaun ho Parseiru
  • Kria koordenasaun servisu hamutuk autoridade local iha suco no aldeia;
  • Komunika ho DRR advisor hodi kria koordenasaun ho parseiru relevante iha nivel distritu, sub distritu hodi organiza enkontru koordenasaun projetu atu koalia konaba issu relevante no atu justifika katak aktividade tomak nebe’e implementa iha koordenasaun nebe’e diak;
  • Representa CARE-projetu iha nivel distritu, sub distritu no mantein kontaktu ho parseiru tomak doadores liu-liu komunidade;

  1. Relatoriu no Orsamentu
  • Asiste DRR advisor atu prepara orsamentu projetu bazeia ba planu implementasaun workshop ;
  • Asiste DRR advisor durante preparasaun projetu liu husi preparasaun informasaun bazeia ba progresu husi aktividae iha baze tuir ejijensia doadores;
  • Prepara relatoriu progresu aktividade projetu bazeia ba progresu implementasaun iha baze.

 

  1. Siguranca
  • Responsabiliza mos ba parte siguransa no garantia katak ekipa projetu tomak mantein no halao instrument siguransa durante servisu iha baze;
  • Promove no fahe informasaun konaba siguransa nian iha ekipa laran;
  • Mantein komunikasaun DRR advisor hodi relata informasaun nebe infrenta husi ekipa baze nebe iha ligasauan ba parte siguransa;
  • Halo tuir prosedur tomak inklui mos regulamentu siguransa nian nebe’ establese iha CARE International Timor-Leste.

ESPERIENSIA NO QUALIFIKASAUN:

  • Remata universidade no iha esperiensia ba fasilitasaun workshop iha nivel komuniddade
  • Iha komprensaun diak konaba asesmentu projetu ho metodu partsipatoriu
  • Bele kolia lian tetum no lian local ( ezemplu: mambae, bunak, kemak, tokodede, galoleng, tetun terik, makasae no nauoti)
  • Bele foti notas ba diskusaun durante sorumutu ( hakerek)
  • Iha ona esperiensia konaba programa redusaun risku dezastre.
  • Bele no hakarak atu servisu iha area rural.
  • Bele establese relasaun diak ho ema seluk inklui lider komunitariu no komunidade local
  • Karik bele ko’alia no kumpreende lian Inglesh ho di’ak sei fó vantajen di’ak

 

 

Atu rekompensa ba ita boot nia komitumentu, ita boot sei hetan benefisiu husi dezenvolvimentu profesionlismu nian no halo inovasaun ho invairomentu atu muda ita nia hanoin plus pakote benefisiu ne’ebe komprehensivu.

 

Atu aplika ba pozisaun ne’e, favor hatama ita-nia karta rekerimentu no Curriculum Vitae ho referénsia ema nain rua (Favor KETA aneksu dokumentu seluk) liu husi email teresa.barros@careint.org, KA hatama ba Edifisu CARE Internasional iha Timor Leste, Bairo Pitte antes ka ba data 10 de Fevereiru 2016. CARE sei kontaktu deit ba kandidatu sira ne’ebé hetan suksesu atu halo entrevista.

CARE fo oportunidade ne’ebé hanesan ba staf hotu atu komete ba diversidade servisu nian. Feto mak sei prioridade liu atu apply ba posisaun ida ne’e.

CARE International Timor Leste iha komitmentu atu proteze ba labarik nia direitu iha area nebe ita Servisu. CARE International Timor Leste iha direitu atu buka dadus revista ruma nebe asegura labarik nia ambiente atu bele seguru

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s