USAID’S BA DISTRITO PROJECT – Espesialista Komunikasaun (CNE) (pozisaun nasionál) – CD 09 de Fevereiro de 2016


USAID

USAID

PROJETU BA DISTRITO

DESKRISAUN POZISAUN

 

Títulu Servisu

Espesialista Komunikasaun (CNE) (pozisaun nasionál)

Fatin Servisu

Dili, Timor-Leste

Data ikus aplikasaun

9 Fevereiru 2016

Tipu de Kontratu

Asistente Tékniku Kurtu-Prazu nian

Rekerimentu Lingua

Ingles no Tetun

Data Hahú

Fevereiru 2016

Durasaun kontratu

Fulan 8

 

SUMARIU:

Counterpart International implementa daudaun projetu Ba Distrito durante tinan-haat, ne’ebé hetan apoiu jenerozu liuhusi Ajénsia Estadus Unidus ba Dezenvolvimentu Internasionál (USAID). Meta husi projetu mak atu haforsa abilidade husi governasaun lokál hodi hato’o nesesidade sira komunidade nian no hasa’e ninia kapasidade hodi fornese servisu sira ne’ebé efetivu liu, efikásia liu, no sustentável liu. Projetu Ba Distrito parseria ho Governu Timor-Leste hodi asiste iha improvizasaun servisu nian iha nivel lokál liuhusi haforsa ba abilidade instituisaun nian hanesan konsellu suku no ajénsia sira setór justisa nian hodi envolve iha, no reprezenta interese hosi, sidadaun sira iha baze. Projetu mós suporta esforsu nasionál nian ba iha antesipasaun eleisaun suku nian iha tinan 2016, liuhusi apoiu ba Comissão Nacional de Eleições (CNE).

Ba Distrito buka hela Espesialista Komunikasaun ida atu ajuda ba iha CNE Timor-Leste. Espesialista Komunikasaun sei hasa’e kapasidade komunikasaun ba CNE liuhusi hala’o avaliasaun ida kona-ba CNE nia kapasidade komunikasaun agora daudaun; dezenvolve planu ida (ho rekomendasaun sira) atu haforsa kapasidade ida ne’e, no implementa planu ne’e; no dezenvolve no implementa estratéjia komunikasaun esternál nian ne’ebé espesifikamente foka iha edukasaun públiku ba feto-sira, juventude no ema ho defisiénsia sira kona-ba prosesu eleisaun nian, no informa ba públiku kona-ba sira nia direitu síviku nian.

Espesialista Komunikasaun sei suporta ekipa komunikasaun husi CNE atu:

·         Hala’o avaliasaun ida kona-ba nesesidade sira kapasidade komunikasaun nian ba CNE, no dezenvolve planu servisu hodi hato’o nesesidade sira ne’e;

·         Dezeñu estratéjia komprensivu ida kona-ba edukasaun sívika ba longu-prazu ba siklu eleitorál nian tuir mai iha Timor Leste, ne’ebé ho konsultasaun besikliu ho CNE

·         Implementa estratéjia komunikasaun sira, inklui dezenvolve no implementa planu ida ba servisu (workplan), no asegura katak atinje objetivu sira iha tempu ne’ebé diak

·         Fornese konsellu estratéjia komunikasaun nian ba CNE, kona-ba dezenvolve informasaun no produtu edukasaun sira hanesan halo video badak, poster, broxura (iha lianTetun)

·         Estabelese no mantein relasaun besik liu ho média lokál sira, no fornese informasaun ne’ebé loloos no tuir tempu (liuhusi aprovasaun CNE)

·         Asiste iha atividade promosaun komunikasaun nian inklui markasaun (branding)

·         Dezenvolve no implementa estratéjia média sosiál no relasaun esternu nian

·         Koordena publikasaun atividade hotu-hotu CNE nian, inklui jestaun konteúdu website nian, publikasaun materias, dezeñu no jere prosesu ba distribuisaun publikasaun sira

·         Aumenta kapasidade ba iha ekipa komunikasaun CNE nian no haree ba preparasaun hotu-hotu kona-ba produtu sira informasaun / komunikasaun nian

·         Fo suporta ba Ba Distrito nia programa iha rádiu komunidade no RTL kona-ba asuntu sira relasiona ho governasaun no eleisaun ne’ebé sei fo sai kada fulan

·         Monitóriza no avalia ba relatóriu atividade nian hotu-hotu,bainhira presiza

·         Desempeña ordem seluk ne’ebé fo husi Prezidente CNE.

 

Buat ne’ebé bele fornese:

Buat ne’ebé mak bele fornese hosi Espesialista Komunikasaun nian mak sei inklui, maibé la limita ba, buat sira tuir mai durante iha períodu kontratu nian:

1.      Responsabiliza ba avaliasaun nesesidade harii-kapasidade nian no korresponde ba planu asaun (planu servisu) ba CNE

2.      Dezenvolve no implementa Estratéjia Komunikasaun nian ida, inkluzivu husi, no respeita ba nesesidade partikulár feto nian, juventude, no ema ho defisiénsia (PWD) sira

3.      Dezenvolve estratéjia material komunikasaun nian ne’ebé relasaun ho edukasaun votante nian, inklui: formatu faktu, broxura, video, no estratéjia partisipasaun mídia sosiál nian

4.      Fó konsellu Média nian ba iha CNE, no analiza

5.      Dezenvolve informasaun, produtu aprendizajen nian, no kontinuasaun monitóriza ba staff CNE nian

6.      Halo avaliasaun ba relatóriu kona-ba estratéjia implementasaun komunikasaun nian

7.      Halo avaliasaun ba relatóriu kona-ba implementasaun planu servisu nian.

 

Rekerimentu no Esperiénsia:

§  Iha esperiénsia minimu tinan lima iha area komunikasaun publika

§  Provas esperiénsia iha dezenvolvimentu estratéjia no dezenvolve implementasaun estratéjia ka estratéjia sira komunikasaun nian oioin

§  Forte iha abilidade hakerek nian ho esperiénsia iha hakerek relatóriu, materia sira ba informasaun/edukasaun nian, diskursu, komunikadu imprensa, no update konteúdu website nian

§  Esperiénsia iha jestaun-projetu komunikasaun nian no promosaun material ba publikasaun, husi dezeñu konseitu hodi print no fornesementu

§  Provas esperiénsia iha divulgasaun média no partisipasaun média nian

§  Abilidade di’ak kona-ba rezolve problema sira

§  Abilidade hodi halo servisu iha tempu ne’ebé badak

§  Esperiénsia ihaTimor-Leste ka kontestu ne’ebé atu hanesan sei sai hanesan modu ida

§  Rekere tenke fluénsia iha Tetun no Ingles

§  Komprensaun di’ak kona-ba sistema téknikal eleitorál nian iha Timor-Leste.

 

OINSA ATU APLIKA:

 

Favór submete ita nia CV no karta aplikasaun ba timor-leste.jobs@counterpart.org referénsia títulu servisu nian iha liña sujeitu nian mak Espesialista Komunikasaun CNE nian. Loron ikus aplikasaun nian mak iha loron 9 Fevereiru 2016.

 

 

Counterpart Internasional maka organizasaun dezenvolvimentu global ne’ebé haforsa ema no komunidade atu implementa solusaun ne’ebé inovativu no di’ak ba dezafiu sosial, ekonomia no ambiente. Tinan 50 ona, Counterpart halo parseiru ho komunidade hodi rezolve nesesidade ba problema ne’ebé kompleksu relasiona ho dezenvolvimentu ekonomiku, seguransa ai han no nutrisaun, no hari governasaun no instituisaun ne’ebé efetivu. Ho prezensa Counterpart iha nasaun hamutuk 25, loron-loron Counterpart serbisu hamutuk ho ema iha mundu tomak atu estabelese solusaun ne’ebé sustantavel atu fahe dezafiu ne’ebé iha. Ba informasaun liu tan vizita ami nia website: www.counterpart.org.

 

 

Advertisements

One thought on “USAID’S BA DISTRITO PROJECT – Espesialista Komunikasaun (CNE) (pozisaun nasionál) – CD 09 de Fevereiro de 2016

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s