ConnocoPhilips-Programa Formasaun Abilidades Fundamentais No Estájiu Ba 2014-CD 24 Marsu 2014


ConnocoPhilips

ConnocoPhilips

Programa Formasaun Abilidades Fundamentais No Estájiu Ba 2014

ConocoPhillips sente orgullu ba partisipa iha apoiu ba komunidade nia inisiativas ba dezenvolvimentu nebe la’os limitadu ba ami nia hahalok hanesan produtór mina rai no gás deit maibé mos sei asegura kontribuisaun tempu naruk ba komunidade Timor-Leste nian. Programa ne’e nia objetivu mak fó Timor oan nebe selesionadu, atu profunda liu tan sira nia abilidades no konñesimentu importantes ne’ebe presiza ba empregu iha tempu ikus. Partisipante sira sei halo estájiu durante fulan 12 nia laran ho ConocoPhillips, atu hetan experiénsia diak tebetebes iha area indústria minarai no gás.

Faze Dahuluk: Programa Formasaun Profisional Fundamentál iha fulan 6 nia laran ba Graduadus foun sira husi Universidade

Ami haksolok tebes atu fó oportunidade ba graduadus foun to’o sanulu husi universidade atu partisipa iha ami nia Programa Formasaun Profisionál Fundamentál. Programa ne’e sei fó rezumu ida kona-ba indústria minarai no gás; seguransa; formasaun iha literasia informátika nian no abilidades komunikasaun – buat sira ne’e hotu importante tebetebes ba empregu iha tempu ikus.

Ami buka rekerimentus husi graduadus iha disiplina sira mak hanesan tuir mai ne’e:

  • Saúde, Seguransa no Meiu Ambiente (HSE)
  • Enjeñeria
  • Finansas
  • Komérsiu
  • Explorasaun no Dezenvolvimentu (Jeolojia no Jeosiensia)
  • Jestaun Kontratus no Kadeia Fornesimentu


Atu bele tama ba fatin ida iha programa ne’e rekerente sira presiza:

  • Sidadania Timor-Leste nian ka rezidênsia permanente (esensiál).
  • Grau Tékniku iha naran disiplina ida mensiona iha leten ne’e.
  • Abilidade atu servisu iha embiente ekipa no hatudu komportamentu nebe suporta ami Conoco Phillips sira nia Valores ESPIRITU seguransa, Ema, Integridade, Responsabilidade, Inovasaun no Servisu iha Ekipa.
  • Fluensia hakarek no koalia Inglés.
  • Elijível ba vistu ida atu ba simu formasaun profisionál iha Austrália

Rekerente sira nebe mak selesionada ba Programa sei simu abonu ida durante formasaun. Sei hala’o Programa ne’e iha Dili – Timor-Leste no Darwin Tereritóriu Norte, no sei fó fatin atu hela no hahan (ka abonu ba hahan) iha Darwin durante sessoens formasaun ho baze iha Darwin.

Faze Daruak: Estájiu Fulan 12 iha ConocoPhillips
Partisipante sira ne’e be remata Faze dahuluk ho susesu sei elijível ba rekere pozisaun estájiu lima iha ConocoPhillips, baziadu iha Dili, Perth ka Darwin. Selesaun ba estájiu bazeia iha hahalok, asisténsia no kompeténsia ne’ebe realiza durante Faze dahuluk.

Estajiáriu sira sei iha oportunidade atu servisu iha departamentus nebe relasionadu ba sira nia disiplina hodi hetan esperiénsia servisu no abilidade ba empregu barak tebes. Sei fó remunerasaun diak tebetebes durante estájiu. Bainhira Estájiu remata, partisipante sira sei simu sertifikadu konkluzaun ida.

Importante atu fo hatene mos katak; konkluzaun ho susesu faze rua ne’e la garante katak sei kontinua empregu ho ConocoPhillips.

Rekerimentu ba faze dahuluk loke agora liu husi ami nia website iha careers.conocophillips.com.au

Importante atu fo hatene mos katak; atu konsidera ba programa, ita tenke kompleta prosesu rekeriementu tomak, ne’e be inklui resposta ba pergunta pre-triajen hotu no ita nia Asinatura eletrónika iha ka antes loron remata.

Bele mós hatama pesoalmente Rekerimentus iha ami nia eskritóriu iha Dili-Bidau; Rua Bairro Gomes No.40, Bidau, Lecidere.

Rekerimentus taka iha loron 24 Marsu 2014.

Bele download nia versaun iha PDF hodi klik iha nee 

Original Source: ANP Website

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s