Ministériu Edukasaun-Asesór Nasionál Na’in Haat (4)-CD 20th December 2013


Ministerio da Educacao

Ministerio da Educacao

Termu Referénsia    

Asisténsia Tékniku Nasionál atu Fó Apoiu ba Reforma Kurríkulu (pre-eskolár- klase 6),

Fulan janeiru – fulan dezembru 2014

Ministériu Edukasaun hahú revizaun no reforma kurríkulu, komesa iha fulan agostu, 2013 ho pre-eskolár to’o klase 6, no tuirmai sei aumenta ba restu Ensinu Báziku.  Ministériu Edukasaun agora dadaun buka asesór nasionál na’in haat (4) atu fó apoiu ba reforma ida-ne’e. Asesór sira ne’e sei serbisu iha dixiplina/área ida hosi sira-ne’ebé mensiona tuirmai:  pre-eskolár, dalen-tetum, matemátika, siénsia social/kultura, no finanzas.  Halo favór lee informasaun tuirmai, no aplika ba diresaun iha kraik molok loron 21 dezembru 2013.

1.      Objetivu Asesoria Nian

Objetivu asesoria ida-ne’e nian maka fó apoiu ba asesór internasionál hodi:

1.1              Fasilita reforma kurríkulu ba klase pre-eskolár 1-6, bazeia ba istória no kultura lokál, nomós bazeia ba prátika internasionál di’akliu.  Kurríkulu sei integradu, no sei inklui metodolojia instrusaun nian, atividade sira atu uza iha hanorin fatin, no módulu sira atu halo avaliasaun.

1.2              Elabora sílabus/planu ensinu klean ida ba tinan ida-idak, ho kalendáriu ba tinan eskolár, no planu lisaun detalladu ba dixiplina ida-idak loron-loron.  Sei enkoraja atu uza materiál lokál.

1.3              Fasilita lori kurríkulu esbosu ba prova iha eskola balu iha distritu atu depois hadi’a tuir manorin, alunu sira no família sira nia hakarak.

1.4              Identifika livru didátiku no materiál sira seluk ne’ebé presiza, no inkorpora rekursu sira ne’ebé eziste tiha ona.

1.5              Dezeña organiza prosesu formasaun kona-ba kurríkulu foun.

2.  Kalendarizasaun no Serbisu

Kontratu sei hahú 20 janeiru, tinan 2014, no sei la’o durante tinan ida nia laran.  Sei seribsu besik liu ho membru sira hosi grupu-serbisu dixiplina ida-idak nian.  Sei ajuda fasilitadór internasionál no professor sira organiza elabora sílabus no planu de aula sira ne’ebé presiza.  Faze 1 projetu ida-ne’e nian sei remata 31 dezembru, 2013, no sei hahú fali iha fulan janeiru, 2014.

 

  1. 2.      Supervisór

Asesór nasionál sei serbisu diretamente ho asesór internasionál, maibé sempre iha Gabinete Vice Ministra Edukasaun Pre-Eskolár no Ensinu Báziku nia okos.

 

  1. 3.       Contraparte sira

Asesór nasionál sei mós serbisu besik liu ho funsionáriu sira hosi Diresaun Nasionál Kurríkulu nian iha Ministériu Edukasaun, nomós profesór sira ne’ebé sei sai nu’udar hakerek-na’in.  Kontraparte sira importante liu mak membru sira hosi grupu-serbisu sira, ne’ebé envolve membru sira relevante ba dixiplina ida-idak hosi governu no sosiedade sivíl.  Hamutuk ho ema hotu nia kolaborasaun sei elabora kurríkulu ba pre-eskolár – klase 6.

 

  1. 4.       Fatin Serbisu

Ministériu Edukasaun sei fornese fatin serbisu no hakerek nian.

 

  1. 5.      Termu Asesoria Nian

Kontratu hahú 20 janeiru, 2014, no remata 20 dezembru, 2014.  Saláriu bazeia ba esperiénsia

 

  1. 6.      Pagamentu

Pagamentu sei prosesu fulan-fulan, konforme asesór kumpre ninia responsabilidade.

 

  1. 7.      Kritéria

 

A. Lian-tetum

  • Diploma lisensiatura ba leten, di’akliu ho estudu kona-ba lian-tetum, linguístiku, ka edukasaun.  Kapasidade atu aprende hakerek planu-de-aula sira ne’ebé uza aprendizajen ativu;
  • Hatene hakerek lian-tetum tuir banati INL nian;
  • Esperiénsia serbisu pelomenus tinan 3;
  • Koñesimentu lian-inglés, atu bele tradús materiál bá-mai;
  • Kapasidade ajuda fasilitadór komprende situasaun Timor-Leste nian;
  • Koñesimentu kona-ba pedagójiku literasia nian mak vantagen ida;
  • Abilidade serbisu iha ambiente multi-kulturál;
  • Abilidade serbisu iha ekipu, ho responsabilidade no respeitu ba ema hotu;
  • Abilidade lee, analiza no dezenvolve materiál, no inkorpora ideia hosi ema barak;
  • Abilidade serbisu ho tempu limitadu, hodi prodús serbisu ho kualidade aas;
  • Inisiativu no prontu atu halo serbisu seluk, konforme nesesidade asesór internasionál nian.

 

B. Siénsia Sosiál Sira

  • Diploma lisensiatura ba leten, di’akliu ho estudu kona-ba siénsia social (istória, jeografia, jornalizmu, psikolojia, sosiolojia, direitus umanus, antropolojia, nst.), ka edukasaun.  Kapasidade atu aprende hakerek planu-de-aula sira ne’ebé uza aprendizajen ativu;
  • Esperiénsia serbisu pelomenus tinan 3;
  • Kapasidade ko’alia no hakerek lian-inglés esensiál;
  • Kapasidade ajuda fasilitadór komprende situasaun Timor-Leste nian, no koñesimentu aas kona-ba situasaun Timor-Leste nian:  kultura, lian, istória, nst.;
  • Abilidade serbisu iha ambiente multi-kulturál;
  • Abilidade serbisu iha ekipu, ho responsabilidade no respeitu ba ema hotu;
  • Abilidade lee, analiza no dezenvolve materiál, no inkorpora ideia hosi ema barak;
  • Abilidade serbisu ho tempu limitadu, hodi prodús serbisu ho kualidade aas;
  • Inisiativu no prontu atu halo serbisu seluk, konforme nesesidade asesór internasionál nian.

 

C. Finanza no Administasaun

  • Diploma D3 (bacherelatu) ba leten, di’akliu estudu kona-ba administrasaun, finanzas, ka akontabilidade;
  • Esperiénsia iha organizasaun internasionál ka ONG preferibel;
  • Esperiénsia serbisu pelomenus tinan 2;
  • Koñesimentu lian-inglés esensiál.  Koñesimentu lian-portugés vantajen ida;
  • Abilidade serbisu iha ambiente multi-kulturál;
  • Abilidade serbisu iha ekipa, ho responsabilidade no respeitu ba ema hotu;
  • Organizadu, ho abilidade kona-ba programa komputer oi-oin;
  • Abilidade serbisu ho tempu limitadu, hodi prodús serbisu ho kualidade aas;
  • Inisiativu no prontu atu halo serbisu seluk, konforme nesesidade asesór internasionál nian.

 

D. Pre-Eskolár

  • Diploma lisensiatura ba leten, di’akliu ho estudu kona-ba edukasaun ka psikolojia dezenvolvimentu nian.  Kapasidade atu aprende hakerek planu-de-aula sira ne’ebé uza aprendizajen ativu;
  • Esperiénsia serbisu pelomenus tinan 3;
  • Esperiénsia serbisu iha edukasaun multilingue mak vantajen ida;
  • Koñesimentu lian-inglés esensiál;
  • Kapasidade ajuda fasilitadór komprende situasaun Timor-Leste nian;
  • Abilidade serbisu iha ambiente multi-kulturál;
  • Abilidade serbisu iha ekipa, ho responsabilidade no respeitu ba ema hotu;
  • Abilidade lee, analiza, no dezenvolve materiál no inkorpora ideia hosi ema barak;
  • Abilidade serbisu ho tempu limitadu, hodi prodús serbisu ho kualidade aas;
  • Inisiativu no prontu atu halo serbisu seluk, konforme nesesidade asesór internasionál nian.

 

8.  Prosesu Aplikasaun:

 

Favór haruka Ita-Boot nia Kurríkulu Vitae, ho surat motivasaun ida ne’ebé indika pozisaun ne’ebé Ita-Boot interese molok loron 20 dezembru 2013 remata, ba:

 

Reforma Kurríkulu

Gabinete Vice Ministra ba Edukasaun Pre-eskolár no Ensinu Báziku

Ministériu Edukasaun

Vila Verde, Dili Timor-Leste

Email:  curriculumreform.minedtl@gmail.com

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s