Belun-KORDENADOR DEZENVOLVIMENTU POLITIKA NO ADVOKASIA-CD 15 de Novembru 2013


BelunTL

BelunTL

 

VAGA SERVISU

“KORDENADOR DEZENVOLVIMENTU POLITIKA NO ADVOKASIA”

 

Belun nu’udar organizasaun nasionál ida hari’i iha tinan 2004 atu partisipa iha prosesu dezenvolve no hari’i Nasaun Timor-Leste. Belun nia vizaun maka “Sosiedade Timor-Leste iha kbi’it kreativu no kritiku hodi hametin dame ba dezenvolvimentu”. Atu alkansa vizaun ida ne’e Belun halo ba nia misaun “Serbi Sosiedade no Prevene Konflitu ho Integridade no Inovativu”.

 

Hodi realiza Belun nia misaun, Belun dezenvolve parseria ho organizasaun internasionál, doadores, governu no organizasaun nasionál atu implementa programa oi-oin hanesan meius atu realiza misaun no vizaun organizasaun nian.

 

Parte ida husi Programa Belun mak Programa Atensaun no Responde Sedu (AtRes) ne’ebé halo monitorizasaun no peskiza kona-ba insidentes violénsia no mudansa situasaun hodi bele minimiza eskalasaun violensia iha nivel nasionál no nivel komunidade.

Agora dadauk, Belun buka hela belun nain ida atu prenxe ba pozisaun ba programa AtReS.

Pozisaun:      Kordenador Dezenvolvementu Politika no Advokasia

Hatan ba:      Program Manager, Diretór no Jestor Pilar Peskiza no Dezenvolvimentu Politika.

Kna’ar no Responsabilidade

Analiza Potensial Konflitu

  • Prepara planu servisu fulan-fulan hodi finaliza relatóriu trimestral sira tuir planu servisu programa Atensaun no Responde Sedu (AtReS) nian;
  • Dezenvolve liu tan template ba relatóriu ne’ebé analiza potensial konflitu;
  • Dezenvolve estrategia analiza dadus ba Relatóriu Trimestral – Analizasaun Potensial Konflitu;
  • Analiza dadus liu husi metodúlojia kuantitativu no kualitativu tuir estrateijia ne’ebé desidi ona;
  • Konsulta ho staff AtReS, ho Master Database no ho stakeholder sira atu verifika dadus ne’ebé uza hodi hakerek relatóriu analizasaun potensial konflitu;
  • Halo kompara no dadus ho relatóriu husi  Polísia, JSMP no parseiru NGOs/Instituisaun husi fatin seluk ka liu husi website no revista literatura ba referensia peskiza;
  • Preparasaun workshop hodi aprezenta esbosu relatóriu ba Koordenador Distritu sira  hodi garante kona-ba kualidade antes publika;
  • Halo koordenasaun ho Jestor Programa no staff Peskiza no Dezenvolvimentu Politika sira hodi fahe informasaun no hetan ideias no feedback ba relatóriu esbosu antes publika.

 

 

Dezenvolvimentu Politika

  • Halo revista ba literatura akademiku, media no artigus ne’ebé mak relevante ba topiku ne’ebé analiza;
  • Analiza politika no lei ne’ebé relevante no identifika dalan atu hadia lei, politika ka implementasaun programa;
  • Dezeñu rekomendasaun ne’ebé mak konstrutivu ba orgaun ne’ebé iha kompetensia ba topiku relatóriu, inklui Instituisaun governu nasionál no lokal, komunidade internasionál, sosiedade sivil, no membrus komunidade.

 

Advokasia

  • Kolabora no fahe ideias hamutuk  ho staff AtReS no staff iha Pilar Peskiza laran atu kria estratejia advokasia, no dezenvolve politika ne’ebé diak no halo atividades advokasia;
  • Kria no implementa planu advokasia ba rekomendasaun xave sire ne’ebé inklui iha relatóriu ne’ebé publika, hanesan relatóriu external evaluasaun programa nian;
  • Sai orador ba diskursu publiku no halo aprezentasaun iha publiku inklui iha nivel governu lokal no nasionál ka ho autor internasionál kona-ba asuntu konflitu no rekomendasaun xave ne’ebé Belun  hakarak hato’o;
  • Fasilita atividades advokasia hanesan entrevista, workshop ka dialogu ho reprezentante orgaun relevante iha nivel lokal, nasionál ka internasionál ne’ebé iha kompetensia halo mudansa ba topiku ne’ebé investiga liu relatóriu trimestral ka prosesu peskiza.

 

Peskiza

  • Ajuda Ofisiál Peskiza no Dezenvolvimentu Politika atu hala’o peskiza iha terenu ho fasilita diskusaun grupu ka entrevista, hakerek notas, nsst (bainhira presiza);
  • Ajuda Ofisiál Peskiza no Dezenvolvimentu Politika atu analiza dadus, dezenvolve rekomendasaun xavi sira, hakerek  relatóriu no halo advokasia (bainhira presiza).

 

Spesifiku ba pozisaun refere ne’ebé seidauk mensiona sei hapa’ar ho politika Belun ne’ebé kesi iha Manual Politika Belun.

 

Kriteria

  • Iha esperiénsia analiza politika no lei no identifika dalan atu hadia politika sira ka implementasaun programa;
  • Iha esperiensia servisu no koñesimentu di’ak kona-ba metodúlojia  peskiza kualitativu no mos kuantitativu no hatene oin sa bele dezeña prosesu peskiza;
  • Kbi’it atu uza Microsoft Excel hodi organiza no analiza dadus;
  • Iha esperiensia fasilita entrevista ho reprezentante orgaun relevante iha nivel nasionál ne’ebé iha kompetensia halo mudansa ba topiku ne’ebé investiga liu peskiza;
  • Skill no konfiansa didi’ak atu sai orador ba diskursu publiku no halo aprezentasaun iha publiku inklui iha nivel governu lokal no nasionál ka ho autor internasionál;
  • Esperiensia ho kapasidade ba lidera no fasilita diskusaun grupu ho komunidade, parseiru nomos kbi’it halo entrevista;
  • Hakna’ar án ho organizasaun sosiedade sivíl, ajensia relavante  ho kompeténsia ba papél peskiza, dezenvolvementu politika no advokasia;
  • Hela metin iha distritu Dili no bele viajem ba Distritu;
  • Badinas, abilidade komunikasaun diak, no abilidade servisu iha ekipa;
  • Skill di’ak ho komputador liga ho MS Office, email Media Sosial no maneja website;
  • Esperiénsia ho kapasidade ba lidera atividades ho ekipa;
  • Esperiensia di’ak hakerek relatóriu iha lian Tetun (tuir ortografia);
  • Koñesimentu Inglés no vantajen iha Portugés;
  • Koñesimentu igualdade jenéru.

Kualifikasaun

  • Akaba Lisensiatura ka advanced degree ho departementu lei, relasaun internasionál, politika; siensia sosial seluk ka kursu relevante mak vantajen;
  • Esperiensia serbisu relevante, por ezemplu organizasaun peskiza, organizasaun internasionál ka NGO ba dezenvolvimentu komunidade ka prevensaun konflitu iha tinan 3 ou liu;

 

Durasaun: Fulan 3 (posibilidade estensaun)

 

Maluk sira ne’ebé interese, favor hatama CV no dokumentus relevante seluk mai edifisiu Belun-Farol, Dili antes tuku 5.30 lokraik iha dia 15 de  Novembru 2013. Atu hatene di’ak liu tan informasaun, favor bele kontaktu ba numeru telemovel 7733 6665 ou email meta.belun@gmail.com .  Enkouraja feto hodi aplika.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s