Belun-Kordenador Distritu Belun AINARO-CD 04 de Novembru 2013


BelunTL

BelunTL

Vaga Serbisu Kordenador Distritu Belun AINARO

 

Belun, organizasaun nasionál ida hari’i iha tinan 2004 atu partisipa iha prosesu dezenvolve no hari’i nasaun Timor-Leste. Belun nia vizaun Sosiedade Timor-Leste iha kbi’it kreativu no kritiku hodi hametin dame bá dezenvolvimentu”. Atu alkansa vizaun ida ne’e Belun halo nia misaun “Serbi Sosiedade no Prevene Konflitu ho Integridade no Inovativu”.

Belun buka hela belun nain ida (1) ho Nasionalidade Timorese hodi bele hala’o servisu nu’udar Kordenador Distritu (KD) Belun iha Ainaro. Sei servisu ba iha Programa Atensaun no Responde Sedu (AtReS) hamutuk ho Monitors-Parseria Belun.

Durasaun Programa  : Fulan 6 ( ita sei hetan servisu probatoriu iha fulan tolu ninian laran hafoin iha   posiblidade ba extensaun)

 

Kna’ar no Responsablidade

R1. : Servisu hamutuk ho ekipa Maneja Programa AtReS ba hala’o implementasaun Programa

  • Halo monitorizasaun ba situasaun sosial, politika, ekonomika no dezenvolvimentu oioin ne’ébe mak akontese iha distritu no hare’e impaktu hodi buka hatene ninia kauza no dokumenta ho di’ak.
  • Prepara atividades regulamentu iha fulan-fulan ( relatoriu semanal/fulan, relatoriu gastus, Base de dadus, planu mensal, relatoriu enkontru, no sst);
  • Iha komitementu halo komunikasaun nakloke ba ekipa tomak bele uza meius komunikasaun liu husi email no telemovel;
  • Apoiu no kompleta malu entre ekipa AtReS ba hala’o implementasaun programa iha base no hatan ba nesesidades hotu bainhira deit;
  • KD sei servisu iha ofisiu nasionál iha loron 5 tuir nesesidades orgnaizasaun Belun.

 

R1. : Servisu hamutuk no fahe informasaun ho monitor no stakeholders sira iha nivel Distritu no sub Distritu ba halo monitorizasaun kona-ba insidentes violensia no mudansa ba situasaun:

  • Koordena ho Administrador sub Distritu ou organizasaun seluk ruma ne’ébe  oferese fatin ba Belun hodi fasilita eskritoriu iha distritu ba hala’o servisu tuir Planu;
  • Identifika monitor iha sub Distritu ne’ébe refere, sekarik monitor balun resigna án ou loke tan sub distritu foun ba programa AtReS;
  • Organiza enkontru hodi sosializa AtReS no relatoriu trimestral, peskiza tuir tempu ne’ébé determina ba stakeholder/ajensia relevante iha distritu (inklui prepara ajenda enkontru, distribui konvite, hakerek relatoriu no fasilita enkontru).
  • Kontaktu monitor hodi hetan informasaun kona-ba situasaun atual no informasaun kona-ba insidente no verifika informasaun insidente no visita monitor bele halo diskusaun mais ou menus 30 minutus ho monitor kona-ba verifika relatoriu insidente  no situasaun;
  • Simu relatoriu insidente no situasaun husi monitor kada semana-semana no fulan. KD garante katak informasaun ne’e los ona la presiza halo verifikasaun (karik seidauk, di’ak liu verifika kedas antes KD atu lori ba ofisiu Nasionál Dili);
  • Issue konflitu emerjensia hanesan grupu asaltu malu, inklui ho armas funu nian (kilat) no dezastre naturais informa lalais/urjentemente ba ekipa Manajer iha nasionál hodi halo aksaun ruma;
  • Fo assistensia regularmente ba monitor kona-ba issu balun ne’ébe presiza follow up iha  nivel Subdistritu;
  • Fahe informasaun ba stakeholders sira kona-ba insidente no situasaun atual ne’ébe akontese;
  • KD mos bele halo monitorizasaun ba insidente violensia no situasaun, bainhira monitor la-hatene bele fahe informasaun ba monitors;
  • Akompañamentu maximu ba monitor hodi tulun no kompleta malu bainhira hala’o servisu         (hanesan monitors presiza ajuda fasilita transporte ba foti informasaun iha suku ne’ébe distansia do’ok  hodi apoiu );
  • Haklaru informasaun ne’ébe simu hodi transfere ba peskiza no espesialista ba Policy Brief hodi desemvolve politika. Nomos prepara referensia atu suporta hakerek sumariu Policy Brief no relatoriu seluk tuir nesesidades;
  • Hatama Base de dadus  husi relatoriu insidente no situasaun kada semana rua no haruka mai ofisiu nasionál iha Dili (bele uja transfere ho USB/ Laptop/ Email). Labele hein to’o fin de fulan iha Belun Nasionál;
  • Halo planu no relatoriu narativu nomos orsamentu iha fin de fulan, hodi relata ba iha Program Manager tuir tempo ne’ébe determina ona;
  • Save file iha laptop, dokumentus Belun no hard copy hodi relata ba iha Program Manager;
  • Viajem ba iha nivel aldeia no suku fulan-fulan hodi hatene rasik kona-ba situasaun no insidente ne’ébe akontese;
  • Hala’o media monitorizasaun ba televisaun, radio nomos fahe informasaun entre ekipa AtReS karik hetan rona / hetan issue konflitu importante ruma.

 

R3. : Suporta no serbisu  hamutuk rede prevensaun konflitu iha nivel SubDistritu hodi hala’o aksaun resposta sedu ba situasaun konflitu ne’ébé akontese iha nivel oi-oin:

  • Halao diskusaun ho stakeholder oi-oin iha nivel Sub distrito ba estabelese Rede ba prevensaun no Responde Konflitu ( RPRK);
  • Fasilita enkontru RPRK ba fahe relatoriu Trimestral, Policy Brief ( peskiza) stakeholder oinsa RPRK bele hala’o planu aksaun posiblidade iha nivel oi-oin;
  • Halao koordenasaun no komunikasaun bebeik no regularmente hodi fahe informasaun hodi haforsa existensia RPRK nia papel no responsablidade;
  • Bainhira simu proposta planu aksaun husi RPRK, KD halo kedas diskusaun no garante katak informasaun kompletu ona. Bele hato’o ba Programa Manager hodi halo diskusaun ikus ba proposta ne’ébe refere no bele hetan aprovasaun husi ekipa maneja AtReS;
  • Fasilita planu aksaun husi RPRK iha SubDistrito no kria enkontru regular tuir planu RPRK nian;
  • Follow up relatoriu planu aksaun hodi hatama ba Belun no oinsa aksaun ba oin husi RPRK nian:
  • Akompaña no monitorizasaun ba implementasaun planu aksaun husi RPRK;
  • Kompleta informasaun iha dokumentus Belun hanesan profile, no lista stakeholder no sst;
  • Apoiu fo treinamentu ba monitor sira iha sub distritu/ Distritu;
  • Distribui relatoriu ba monitors no identifika stakeholders (Governu, Ajensia Dezemvolvimentu) kada fulan hat no maneija hodi fahe ba stakeholder;
  • Fasilita no partisipa treinamentu rezulusaun konflitu no treinamentu oi-oin ne’ébe sei organiza husi ekipa Programa AtReS;
  • Suporta RPRK hodi hetan fundus kiik husi organizasaun oi-oin iha rai laran;
  • Halo akordu servisu hamutuk entre Belun ho RPRK no hetan feedback husi Ekipa Manajementu iha programa AtReS antes implementa fundus kiik;
  • Estabelese ligasaun no kria lista konatakto geral ba stakeholders ne’ébe iziste, no mos Rede Prevensaun Konflitu (RPRK) iha sub distritu;

R4: Sai representantes Belun iha nivel distritu hodi halao koordenasaun no servisu hamutuk ho stakeholders oi-oin hodi reforsa ba atividades /Programa Belun ne’ébe implementa:

  • Partisipa  ativu iha enkontru no atividade treinamentu, workshop internal Belun;
  • Maneija informasaun ho ativu husi ajensia desemvolvimentu iha base, liu husi Belun ninia Database nasionál ho fula-fulan no tuir nesesidades fo mai Belun;
  • Halo koordenasaun ba proposta no implementasaun tulun osan ki’ik;
  • Partisipa ba revizaun hodi fo impact ba inisiativu iha nivel regional;
  • Responsablidade seluk ne’ébé sei determina husi Ekipa Manajementu Belun ba nesesidades ne’ébe importante;
  • Kontinua koperasaun ho parceirus Belun durante lao ho Belun husi fundus ki’ik.

 

Kriteria

  • Mai husi no hela metin iha distritu Ainaro no viajen ba mai Dili sei tuir nesesidades programa.
  • Badinas no abilidade serbisu iha ekipa.
  • Matenek hare’e relatoriu ho lian Tetun no di’ak liu mos iha inglesh
  • Abilidade komunikasaun.
  • Matenek ba rezolve problema liga ba iha area (no rezulusaun no prevensaun konflitu).
  • Prontu atu servisu ho ekipa nomos halo komunikasaun nakloke ho feto no mane sira.
  • Esperiénsia ho kapasidade ba lidera programa ho ekipa.
  • Kapasidade iha lian Tetun di’ak no Ingles.
  • Kbiit atu uza MS Acces, office, Excel no email.
  • Iha karta kondusaun ba motor.

Kualifikasaun

  • Akaba universitariu/diploma ho departementu dezenvolvimentu komunitariu ka kursu relevante.
  • Esperiénsia serbisu NGOs ba dezenvolvimentu komunidade iha tinan 3 ou liu.
  • Koñesimentu hakerek, analiza iha nivel ás.
  • Koñesimentu iha area rezulusaun no transformasaun konflitu.
  • Esperiensia di’ak ba hakerek relatoriu iha lianTetun (tuir ortografia tetun), no abilidae koa’lia no hakerek iha lian english (tuir espetativa programa nian).
  • Koñesementu igualdade jenéru.

Maluk sira ne’ebé interese, favor hatama CV no dokumentus relevante seluk mai edifisiu Belun-Farol, Dili antes tuku 5.30 lokraik iha dia, 04 de Novembru 2013. No mós ba kandidatu ne’ebé liu seleksaun dokumentus deit mak sei kontaktu. Atu hatene diak liu tan informasaun ba vaga ne’e, bele kontaktu ba nomeru telemovel 7733-6665 ou email meta.belun@gmail.com .

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s