CARE TL-Various Positions-CD 15 Setembru 2013


Care-Timor-Leste

Care-Timor-Leste

 

LOKE VAGA SERVISU

(Pesoal iha CITL bele hatama naran (internal) nomos elementu husi públiku (esternal) mos bele)

CARE Internasional iha Timor-Leste (CITL)

 

CITL loke vaga ba posizaun balun no buka kandidatu sira ne’ebé hatudu interese servisu iha PESKIZA sektor EDUKASAUN nian.

Pozisaun sira nia títulu:  Xefe Database nian (Database Manager); Supervisor M&E Distritu (District M&E Supervisor); Ofisial Monitorizasaun, Avaliasaun no Peskiza (M&E and Research Officer)

 

Durasaun Kontratu: Hahu fulan Setembru ka Outubru 2013 ba tinan ida ho balun

 

INSTRUSAUN BA APLIKANTE:     Kandidatu hotu tenke haruka Karta Aplikasaun tuir formatu iha kraik (la bele liu lia-fuan 500) hamutuk ho CV deit. (Ami la hakarak dokumentu sira seluk hanesan sertifikadu ka diploma. Diploma ka sertifikadu bele apresenta iha entrevista karik CITL bolu baseadu selesaun Karta Aplikasaun no CV.)

 

Oinsá hakerek karta aplikasaun:

Karta aplikasaun ba vaga sira ne’e tenke hakerek iha lian tetún (ketik ka hakerek ho liman) no inklui:

1. Naran no númeru telefonu (ka email) kontatu aplikante nian

2. Posisaun (sira) nia titulu ita-boot hakarak hatama naran (bele posizaun ida, rua ka hotu)

3. Responde ba pergunta: (a) tanbasá ita-boot hakarak servisu iha programa peskiza iha sektor edukasaun, no (b) esplika ita-boot nia abilidade no kualidade katak bele halo kontribuisaun ba ekipa peskiza ne’e (baseadu nesesidade posisaun ita-boot hakarak hetan konsiderasaun)

Karta Aplikasaun la bele liu lia-fuan 500, tenke hakerek an-rasik (la bele kopia husi ema seluk). Entrega Karta hamutuk ho Curriculum Vitae deit (Lalika dokumentu sira seluk) ho naran referênsia ema na’in rua ba HR Unit, CARE International Timor-Leste, Bairro Pite Dili, O liu husi email dian.saputri@careint.org. Aplikasaun ne’e taka iha loron 15 Setembru 2013 tuku 5 lokraik no CARE sei kontaktu deit ba kandidatu ne’e ba mak liu lista badak atu halo entervista. Entrevista iha Dili deit no kustu transporte responsabilidade aplikante nian.

 

CITL atu fó konsiderasaun ba kandidatu ne’ebé tuir instrusaun ba aplikante iha leten no la simu kazu la iha karta aplikasaun, ka karta aplikasaun duplikadu ho karta husi ema seluk.

 

CARE fó oportunidade ne’ebé hanesan ba pesoal hotu. Feto mak sei prioridade liu atu hatama naran ba posisaun ida ne’e. Alunu sira ne’ebé tama iha sampel peskiza 50% labarik mane no 50% labarik feto, ne’eduni importante pesoal ba program (mane no feto) sai ezemplu di’ak ba labarik sira.

 

CARE International Timor-Leste iha komitamentu atu proteze ba labarik nia direitu iha area nebe ita servisu. Fo avisu ba aplikante sira katak CARE International Timor-Leste iha direitu atu hetan relatorio policia nian no skrining seluk tan atu aseguru labarik nia ambeiente atu bele seguru

Kualidade ba posisaun peskiza edikasaun sira hotu:

  • Tenke lee no hakerek di’ak iha lian tetún no bele pre-enxe formuláriu ho kuidadu
  • Fó atensaun ho kuidadu ba por menor hodi foti dadus ne’ebé loos no halo relatóriu kompletu (terliti)
  • Interese no esperiensia iha metodolojia peskiza sientifiku nian, bele kolabora di’ak ho pesoal eskola nian
  • Vontade atu hela no servisu iha area ne’ebé remota no dala ruma lao deit to’o eskola balun
  • Hatudu fasilidade ho programa excel iha komputador

Deskrisaun posisaun sira no kna’ar prinsipál:

XEFE DATABASE     (Database Manager)
Kna’ar Xefe Database nian atu hadia (hamoos), verifika, no tau hamutuk dadus ne’ebé maka nia simu husi pesoal monitorizasaun no avaliasaun nian no ekipa implementasaun nian. Nia tenke:

  • Halo dezeñu ba no kria database (ki’ik) atu hatama no rai dadus sira ne’ebé maka rekolla iha durante implementasaun atividade projetu nian;
  • Hadia (hamoos), verifika, no tau hamutuk dadus ne’ebé maka nia simu husi pesoal monitorizasaun;
  • Fó treinamentu no klarifikasaun ba ekipa implementasaun iha formatu relatoriu;
  • Haree fila-fali no hala’o revizaun, no tau hamutuk relatoriu sira ne’ebé maka nia simu husi ekipa;
  • Halo manutensaun ba baze de dadus projetu nian;
  • Hala’o gráfiku no sumariu husi dadus ne’ebé maka projetu rekolla;
  • Asiste Especialista M&E no Peskiza (M&E and Research Specialist) iha treinamentu ba kolesaun dadus;
  • Superviza no fó tulun ba ekipa ofisial hatama dadus (Data Entry Clerks)
  • Arkivu dokumentu sira hotu no backup bai-bain dadus hotu;
Supervisor M&E Distritu – Bobonaro no Ermera (District M&E Supervisor)
Supervisor M&E Distritu nia kna’ar atu hala’o monitorizasaun ba kualidade atividade projetu nian no supervisa pesoal M&E nian iha distritu Bobonaro ka Ermera. Nia tenke:

  • Sai xefe ba pesoal monitorizasaun no evaluasaun nian iha distritu Bobonaro ka Ermera no fó tulun ba pesoal sira ho parte rekursu  umanu, orasamentu operasional no kontrola sasan projetu nian;
  • Hala’o vizita fulan-fulan, ba eskola sira projetu PPHE nian – hasoru ho administrador eskola nian, mestre, alunu, inan-aman no membru komunidade atu verifika no koleta dadus;
  • Prepara planu traballu no hakerek relatoriu (sumariu) fulan-fulan;
  • Kontrolla checklista pesoal M&E nian no kualidade atividade projetu nian iha baze;
  • Hatama dadus husi checklista M&E ne’ebé maka kompletu iha database;
  • Hadia (hamoos) no atualiza baze dadus nian bazeia ba verifikasaun dadus husi baze;
  • Aziste ba hala’o atividade peskiza kuantitativu no kualitativu iha baze;
Ofisial Monitorizasaun, Avaliasaun no Peskiza (M&E and Research Officer)
Pesoal ba monitorizasaun no avaliasaun nia kna’ar atu hala’o monitorizasaun ba kualidade atividade projetu nian iha nível eskola no komunidade no rekolla dadus peskiza husi eskola komparasaun. Nia tenke:

  • Hala’o vizita fulan-fulan ba eskola projetu PPHE nian no hasoru diretor eskola nian, mestre, alunu, inan-aman no membru komunidade atu verifika no koleta dadus;
  • Hakerek relatoriu fulan-fulan no kompleta checklista;
  • Tau matan ba kualidade atividade projetu nian iha baze;
  • Hatama dadus ne’ebé maka kompletu no loos iha database;
  • Hadia (hamoos) no atualiza baze dadus ninan bazeia ba verifikasaun dadus husi baze dadus;

 

 

 

3 thoughts on “CARE TL-Various Positions-CD 15 Setembru 2013

  1. Belun, CARE TL
    hau sente orguilhu tebes ho ita bo’ot sira nia servisu
    tamba ne se ita boot sira iha planu ba longu praju nian ou presija tan ema
    atu ajuda karik hau pesoalmente hakarak servisu ho imi nia organizasaun ne.
    obrigado.
    aje pinto

  2. I am so happy, this opportunity for me to apply my documents to position Research Officer. My reasons because I have lots experience working with Community Friendship House Viqueque. Contact Pearson by Geelong Community. I am like Coordinator at Friendship house to designed programs & running activities for community in rural area. If CARE interesting with my experience please call me +67078171454 and I would like to showing my documents. Thanks for attention.

  3. Boa tarde ba chefe Care Timor leste,no ba Staf sira iha Care Timor leste hotu
    Hau iha esperiensia kona ba hanorin ou Fo Treinamento ema no halo monitoring ba kliente sira ih Sub Distrito no Distrito sira,fo Reuniaun Trimestral,no Anual ba Kliente sira iha Sub Distrito no Distrito sira,halo relatorio,halo planu Orsamento,planu servisu nian, Karik ita boot sira nia fatin presija ema karik bele Kontaktu numero telmov.:77575918

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s