Belun-Ofisiál Tekniku Bée Mos-CD 16 de Agostu 2013.


BelunTL

BelunTL

VAGA SERBISU

 

Ofisiál Tekniku Bée Mos

 

Belun núdar organizasaun independente. Belun parseria ho Grupo Komunitáriu, Autoridades Lokal, Konsellu do Suku nomós ho representante Igreja Katólika no Igreja Protestante  bá implementa programa iha area rural bá atividades kombate probreza (valoriza direitu sidadaun bá moris diak) husi kombate ki’ak no mukit.

Belun implementa “Programa Manutensaun Beé Mos no Hakbi’it Koñesimentu, Kompetensia Kooperativa no Sensibilidade Komunidade Suku Makadade no Suku Makili, Ilha Ataúro. Programa ne’e hetan apoiu fundus husi Trento Autonomous Province, Trento-Italy ho parseria Gruppo Trentino di Volontariato (GTV), Associazione Santi Martiri Anauniensi (ASsMA) nomos apoiu fundu husi Gabinete do Primeiru Ministru liu husi Asesór Sosiedade Sivíl.

Pozisaun ne’e sei serbisu hamutuk komunidade ho responsabilidade tomak, mensiona iha kraik.

Relata bá             : Jestor Programa

Area Serbisu      : Suku Makadade ho Suku Makili Sub-Distrito Ataúro.

Belun oferese oportunidade buka hela belun ida husi Ilha Ataúro bá prenxe pozisaun “Ofisial Tekniku Beé Mos. Servisu ne’e sei komesa iha fulan Augustu até Dezembru 2013 (Posibilidade extensaun bá oin)

 

Kna’ar no Responsabilidade

Jeralmente, responsabilidade husi Ofisial Tekniku Beé Mos mak sai rekursu pesoal bá komunidade hodi akompaña no hametin GMF bá sistema abastesimentu beé foun no manejementu operasaun  manutensaun bá sistema beé tuan.

Responsabilidade espesifiku mak sei akompaña komunidades no grupo komunitáriu ne’ebé estabelese ona hodi halo protesaun bá beé matan iha Aldeia Ilitimur, aldeia Bite no Aldeia Anartutu hodi halo konstrusaun físiku sistema beé mos, Halo lutu hale’u beé matan sira ne’ebé eziste iha suku makadade, monta Panel/informasaun protesaun bá beé matan sira, akompaña no fo orientasaun bá GMF kona-ba kalkulasaun no operasaun bá material konstrusaun fisiku ne’ebé atu estabelese iha suku Makadade. Dezenvolve komunidade iha Suku Makili liuhusi jestaun koperativa peska.

 

Deskripsaun Servisu

  • Sosializasaun, enkontru no aprosimasaun liu Husi Autoridade Lokal, Konsellu Suku, Grupo Komunitariu eziste, Asembleia Igreja no komunidade eskola.
  • Survey tekniku no sukat Debit Beé Matan.
  • Halo sistema gravitasaun iha Aldeia Ilitimur (Beé Matan Betau) no halo akaptasaun no reservoir foun iha Aldeia Bite (Beé Matan Abaktia).
  • Hakbi’it GMF iha aldeia Ilitimur, Bite no Anartuto iha Suku Makdade liu husi treinamentu (komite jestaun sistema abastesimentu beé) no pratika servisu tekniku iha kontsrusaun no kalkulasaun.
  • Fasilita regular kontribuisaun komunidade atu asegura kontribuisaun bá kas GMF ho aldeia ne’ebé GMF estabelese.
  • Fasilita estudu Komparativu (Cross Visit) bá membru koperativa Makili.
  • Prepara planu servisu bainhira hahú implementasaun ne’ebé hetan aprovasaun husi Jestor Programa.
  • Hamutuk ho Jestor Programa iha terenu hodi kria enkontru ho representante governu (SAS Distrital no SDF) no seluk tan iha base ne’ebé iha liigasaun ho implementasaun projeitu/atividades bá suporta atividades durante implementasaun nomós antes fahe informasaun bá lider komunitaria, komunidade grupo servisu no benefisiarius;
  • Perpara treinamentu bá hasa’e kuñesementu iha servisu tekniku operasaun no manutensaun bá sistema beé mos bá konsellu GMF liu-liu membru tékniku;
  • Hametin relasaun ho komunidade no respeita kultura komunidade nian ne’ebé eziste;
  • Halo Pedidu kona-ba material mai iha Jestor Programa ne’ebé akompaña iha terenu hodi hetan aprovasaun.
  • Kolekta dadus teknikal (Survey Topografi, Analisa Kualidade Beé no asesmentu ba infraestrutura Beé) ho parseiru/grupo komunitáriu.
  • Prepara dezeñu GFS (Grafitasaun Fed System) no bele halo kalkulasaun no dezeñu konstrusaun bá sistema abastesimentu beé foun ne’ebé atu implementa.
  • Partisipa bá Konstrusaun  sistema foun abastesimentu beé mos (akaptasaun, tangki Header, tanki Reservatóriu, koneksaun kanu GI ho Pipa Polly, harí’i Torneira no box kontrola bá valvula sira) ho Parseiru/GMF/Grupo Komunitáriu sira seluk;
  • Responsabiliza bá material no ekipamentus servisu tekniku nian iha base.
  • Prepara no hato’o relatoriu narativu kona-ba progresu implementasaun atividade bá Jestor Programa. Relata progresu atividades ho tempo semana-semana.

 

 

 

Kualifikasaun no Esperiensia

  • Edukasaun minimal kompletu eskola sekundária prefere liu eskola vokasional tékniku beé mos no sanitasaun.
  • Esperiensia servisu núdar ema tekniku ba beé mos no sanitasaun iha komunidade, LNGO ou INGO (mais ou menus tinan 2).
  • Esperiensia ba uza Survey Tools (Theodolite, handlevel, altimeter, GPS no sst) ho diak no uza bebeik
  • Esperiensia fasilita atividade ho komunidade iha baze nomós bá skill fasilitasaun no kuñesimentu kona-ba papel no knár servisu husi GMF (Grupo Maneja Faselidades).
  • Hatene linguajen Tetun no lian lokal di’ak liu.
  • Hatene uza Komputador ms Office (Word ho Excel) ho di’ak.
  • Hatene uza email ho di’ak iha liña koordenasaun ho komunikasaun.
  • koñesimentu di’ak iha hakerek relatoriu narativu ho lian Tetun no diak.
  • Iha responsavel ba atividades Prontu atu servisu iha ekipa no komunika nakloke ho feto no mane hotu;

 

Kriteria

  • Hela metin iha sub-distritu Ilha Ataúru no sei visita mai Dili bainhira hatama relatoriu ou nesesidades urjente ruma ho liga ba servisu hodi kria fali planu foun;

 

Maluk ne’ebé iha interese bele hakerek karta aplikasaun ho CV (curriculum vitae) no dokumentus relevante seluk bá edifisiu Belun iha Farol (SD 2 Farol nia kotuk) nomós bele liuhusi email meta.belun@gmail.com ka abiliorn.belun@gmail.com, telemovel 7739 3082 ka 7733 6665. Aplikasaun ikus antes tuku 5.30 lokraik dia 16 de Agostu 2013.

 

 

Nota: Kandidatus ne’ebe liu selesaun dokumentus deit mak ami sei kontaktu no enkoraja feto maluk sira atu aplika.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s