Belun-Ofisial Polítika Publiku-CD 2 de Agostu 2013


BelunTL

BelunTL

VAGA SERVISU

Belun nu’udar organizasaun nasionál ida hari’i iha tinan 2004 atu partisipa iha prosesu dezenvolve no hari’i Nasaun Timor-Leste. Belun nia vizaun maka “Sosiedade Timor-Leste iha kbi’it kreativu no kritiku hodi hametin dame bá dezenvolvimentu”. Atu alkansa vizaun ida ne’e Belun halo ba nia misaun “Serbi Sosiedade no Prevene Konflitu ho Integridade no Inovativu”.

Hodi realiza Belun nia misaun, Belun dezenvolve parseria ho organizasaun internasionál, doadores, governu no organizasaun nasionál atu implementa programa oi-oin hanesan meius atu realiza misaun no vizaun organizasaun nian.

Programa Atensaun no Responde Sedu (AtRes) halo monitorizasaun no peskiza konaba insidente violénsia no situasaun hodi bele minimize eskalasaun violensia iha nivel nasional no nivel komunidade.

Agora dadauk, Belun buka hela maluk nain ida atu prienxe bá pozisaun iha programa AtRes bá pozisaun:

Pozisaun              :    Ofisial Polítika Publiku.

Salari                     :   U$ 600

Hatan bá              :    Program Manager AtReS no Diretúr Belun.

 

Kna’ar no Responsabilidade:

1) Verifika dadus, Monitorizasaun bá Media no Halo Relatoriu:

  • Verifika informasaun insidente konflitu ka violensía ne’ébé mosu iha terenu liu husi Kordenador Distritu sira, Jornal, Media Sosial nomos Monitor sira;
  • Prepara dadus AtReS no halo kordenasaun ho Kórdinador Distritu sira hodi bele hetan dadus ne’ebé ke klaru;
  • Hakerek relatóriu  Revista Situasaun ho efetivu hodi fasilita bá distribuisaun fulan-fulan
  • Halo koordenasaun ho Jestor Programa sira hodi fahe informasaun no hetan ideias no feedback bá relatóriu;

2) Relasaun External no Advokasia:

  • Dezenvolve estratejia bá sosializasaun no advokasia ba no Instituisaun Governu;
  • Hametin relasaun ho Governu nomos sosiedade sivíl no autor internasional sira tomak bá dezenvolve sistema komunikasaun liga ba informasaun iha rede prevensaun konflitu;
  • Partisipa ativu no fahé informasaun ba publiku no stakeholder sira seluk liga ba Belun ninia servisu, liu-liu rezultadu monitorizasaun Programa AtReS-nian;
  • Hamutuk ho ekipa spesialista peskiza bá organiza seminariu ou workshop no halo kontaktu bá orador sira hodi halo preparasaun ba eventu tomak;
  • Kopera di’ak ho Manager Programa hodi fó apoiu diak ba Kórdinador Distritu no hametin komunikasaun diak ho monitor kona ba sira nia knar iha komunidade;
  • Tuir debate Parlamentariu ne’ebe maka relevante ba topiku peskiza AtReS-nian;
  • Prepara aprezentasaun ba Comisaun relevante iha Konsellhu Ministru liga ba rezultadu monitorizasaun no peskiza AtReS-nian;
  • Halo kooperasaun metin ho organizasaun ne’ebe relevante atu responde ba Belun-nia peskiza
  • Halo monitorizasaun ba implementasaun asaun responde ba rekomendasaun husi programa AtReS.

 

3) Maneja Belun-nia Advokasia liu husi Media nomos Media Sosial

 

  • Fo informasaun liga ba dadus insidente ne’ébé maka analiza fulan-fulan hodi relata bá iha Jestor AtReS nomos Diretór hodi fahe, liga ba advokasia klean liu tan antes publika;
  • Organiza Konferénsia Press bainhira iha asuntu urjente ne’ebé Belun presija fo sai ba publiku;
  • Halo ligasaun servisu ho media nomos komunikasaun sosial sira hodi fortifika informasaun bá publiku;
  • Fo sai ba publiku informasaun liga ba Belun-nia relatóriu sira liu husi media ka press release nomos liu husi internet;
  • Maneja no update informasaun bá crowdmap iha Belun-nia website hodi publika;
  • Promove no kuidadu ba informsaun online husi staff Belun hotu-hotu hodi verifika antes fo sai ba publiku.

spesifiku ba pozisaun refere ne’ebé seidauk mensiona sei hapa’ar ho politika Belun ne’ebé kesi iha Manual Politika Belun.

Kriteria

  • Hela metin iha distritu Dili;
  • Badinas no abilidade servisu iha ekipa;
  • Esperiénsia servisu ho sosiedade sivil;
  • Esperiénsia servisu liga ba pozisaun advokasia no skill atu aprosima no lobby membrus governu no autor relevante liga ba asuntu organizasaun-nian
  • Skill no konfiansa didiak atu sai orador bá diskursu publiku no halo aprezentasaun iha publiku inklui iha nivel governu ka ho autor internasional;
  • Skill no esperensia verifika dadus, halo peskiza, hakerek relatóriu;
  • Skill di-diak ho komputador liga ho MS Office, Media Sosial no maneja Website;
  • Esperiénsia ho kapasidade ba lidera atividades ho ekipa;
  • Kapasidade iha lian Tetun diak, Inglés no vantajen iha Portugés;
  • Kbi’it ba uza programa MS Office, excel no koñesementu email.

Kualifikasaun

  • Akaba Lisensiatura ka kursu relevantes;
  • Esperiénsia servisu NGOs ka Instituisaun relevante iha tinan 3 nia laran.
  • Koñesementu iha area Relasaun Publiku;
  • Esperiensia di’ak hakerek relatoriu iha lianTetun (tuir ortografia) no Inglés;
  • Koñesementu ba Portugés maka vantajem ida;
  • Koñesementu igualdade jenéru.

Durasaun: Fulan 3 (posibilidade estensaun)

Maluk sira ne’ebé interese, favor hatama CV no dokumentus relevante seluk mai edifisiu Belun-Farol, Dili antes tuku 5.30 lokraik iha dia 2  de  Agostu 2013. Atu hatene diak liu tan informasaun, favor bele kontaktu ba numeru telemovel 77336665 ou email meta.belun@gmail.com .  Enkouraja feto hodi aplika.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s