CARE TL-Various Job Positions-CD 15 Agostu 2013


Care-Timor-Leste

Care-Timor-Leste

LOKE VAGA SERVISU

(Pesoal iha CITL bele hatama naran (internal) nomos elementu husi públiku (esternal) mos bele)

CARE Internasional iha Timor-Leste (CITL)

 

CITL loke vaga ba posizaun balun no buka kandidatu sira ne’ebé hatudu interese servisu iha PESKIZA sektor EDUKASAUN nian.

Pozisaun sira nia títulu:  

1. Fasilitador (Field Officer);

2. Xefe da Ekipa (Project Officer sub-districts);

3. Ofisial Distrital (Project Officer District);

4. Koordenador Regional – Viqueque no Manatuto (Field Implementation Coordinator)

Durasaun Kontratu: Hahu fulan Agostu ka Setembru 2013 ho posibilidade ba estensaun

 

INSTRUSAUN BA APLIKANTE:     Kandidatu hotu tenke haruka Karta Aplikasaun tuir formatu iha kraik (la bele liu lia-fuan 500) hamutuk ho CV deit. (Ami la hakarak dokumentu sira seluk hanesan sertifikadu ka diploma. Diploma ka sertifikadu bele apresenta iha entrevista karik CITL bolu baseadu selesaun Karta Aplikasaun no CV.)

 

Oinsá hakerek karta aplikasaun:

Karta aplikasaun ba vaga sira ne’e tenke hakerek iha lian tetún (ketik ka hakerek ho liman) no inklui:

1. Naran no númeru telefonu (ka email) kontatu aplikante nian

2. Posisaun (sira) nia titulu ita-boot hakarak hatama naran (bele posizaun ida, rua ka hotu)

3. Responde ba pergunta: (a) tanbasá ita-boot hakarak servisu iha programa peskiza iha sektor edukasaun, no (b) esplika ita-boot nia abilidade no kualidade katak bele halo kontribuisaun ba ekipa peskiza ne’e (baseadu nesesidade posisaun ita-boot hakarak hetan konsiderasaun)

Karta Aplikasaun la bele liu lia-fuan 500, tenke hakerek an-rasik (la bele kopia husi ema seluk). Entrega Karta hamutuk ho Curriculum Vitae deit (Lalika dokumentu sira seluk) ho naran referênsia ema na’in rua ba HR Unit, CARE International Timor-Leste, Bairro Pite Dili, O liu husi email dian.saputri@careint.org. Aplikasaun ne’e taka iha dia 15 Agostu 2013 tuku 5 lokraik no CARE sei kontaktu deit ba kandidatu ne’e ba mak liu lista badak atu halo entervista. Entrevista iha Dili deit no kustu transporte responsabilidade aplikante nian. Favor bele vizita ami nia blog www.caretimorleste.blog.com atu hetan informasaun klaru liu tan.

 

CITL atu fó konsiderasaun ba kandidatu ne’ebé tuir instrusaun ba aplikante iha leten no la simu kazu la iha karta aplikasaun, ka karta aplikasaun duplikadu ho karta husi ema seluk.

 

CARE fó oportunidade ne’ebé hanesan ba staff hotu. Feto mak sei prioridade liu atu hatama naran ba posisaun ida ne’e. Alunu sira ne’ebé tama iha sampel peskiza 50% labarik mane no 50% labarik feto, ne’eduni importante pesoal ba program (mane no feto) sai ezemplu di’ak ba labarik sira.

Kualidade ba posisaun peskiza edikasaun sira hotu:

  • Tenke lee no hakerek di’ak iha lian tetún no bele pre-enxe formuláriu ho kuidadu
  • Fó atensaun ho kuidadu ba por menor hodi halo relatóriu tuir dadus ne’ebé los (teliti)
  • Interese no esperiensia iha sector edukasaun nian, bele kolabora di’ak ho pesoal eskola nian
  • Vontade atu hela no servisu iha area ne’ebé remota no dala ruma lao deit to’o eskola balun
  • Hatudu gostu atu servisu ho labarik sira ho haksolok no animasaun


Deskrisaun posisaun sira no kna’ar prinsipál:

 

FASILITADOR     (Field Officer)
Servisu ho eskola sira no eskola nia komunidade. Hamutuk ho pesoal eskola nia, halao atividade ho objetivu hatun númeru labarik katak husik eskola. Kna’ar servisu nian inklui:

  • Fó apoiu ba Diretór/Koordenadór eskola nian no mestre sira atu identifika labarik ne’ebé iha risku husik eskola no ajuda eskola, inan-aman no elementu komunidade foti aksaun hodi prevene labarik sira ne’e husik eskola.
  • Kolabora no mobiliza elementu komunidade, pesoal eskola no atoridade lokal hodi fahe informasaun kona-ba importansia ba edukasaun ba sira nia oan.
  • Fasilita atividade ekstra-kurikular iha eskola hamutuk ho mestre sira (ka voluntariu komunidade nian ne’ebé uza metodolojia aprendizajen)
  • Koleta no verifika dadus peskiza nian iha nivel eskola no komunidade no hakerek relatóriu sira tuir formatu fulan-fulan

Fasilitadór tenke hela iha aldeia besik eskola sira. Prezisa isin di’ak fisikamente hodi bele halao servisu iha área isoladu. Fasilitadór balun servisu mesak no lao deit, balun servisu iha pár no uza motor ba transporte ka bís/anguna ka karik lao deit. Abilidade lao ho motorizadu iha dalan foho tempu udan no bailoron (karik ka’er motorizadu ka hanesan pasajeiru).

XEFE DE EKIPA    (Project Officer subdistricts)
Xefe de ekipa ba fasilitadór sira iha subdistritu (karik ekipa na’in 4 ka ekipa bo’ot to’o na’in 7) ho responsabilidade ba kualidade faze intervensaun, dadus peskiza no relatoriu husi ekipa fasilitador iha sub-distritu (sira) ne’e. Tenke koñese di’ak fasilitadór nia servisu no taka fasilitadór nia fatin kazu ausente.

  • Hametin relasionamentu ho pesoal eskola no inspector edukasaun nian nível sub-distritu.
  • Apoiu no fasilita treinu ba Fasilitadór sira no orientasaun ba pesoal eskola.
  • Ajuda fasilitadór prepara planu traballu nivel eskola, hadiar kualidade sira nia koñesimentu no abilidade ba servisu, resolve problema,  identifika kazu ba istoria susesu no hakerek tuir matadalan.
  • Kontrola kualidade no verifika katak informasaun iha prezisaun (akurat) iha relatóriu husi fasilitadór sira no hakerek istória susesu.
  • Maneja parte lojistiku no administrasaun ba nível subdistritu.
OFISIAL DISTRITU     (Project Officer District)
Supervisa fatin servisu iha distritu no Xefe de Ekipa/Fasilitadór sira iha subdistritu (karik na’in 1 ka ekipa bo’ot to’o na’in 3) ho responsabilidade ba kualidade faze intervensaun, dadus peskiza no relatoriu husi ekipa fasilitador iha distritu ne’e.

  • Represente programa peskiza iha nível distritu no mantein relasaun parseria ho Diresaun Distrital Edukasaun (DDE) nian no kolaborasaun ho organizasaun sira seluk iha setor edukasaun.
  • Pontu fokal ba seguransa, promove ambiente ho seguransa pesoal iha fatin servisu, maneja fatin servisu iha distritu ho pesoal administrasaun, guarda no limpeza.
  • Fó sujestaun kona-ba oinsá programa pilotu bele hadiar servisu hodi hetan impatu di’ak iha fase intervensaun.
  • Ka’er osan operasaun nian no asegura katak iha material no rekursu lojistiku kompletu no kontrola uzu sasan organizasaun nian tuir regras.
  • Prepara relatóriu fulan-fulan nível distritu nia no fahe informasaun atualizadu ho DDE.
KOORDENADOR REGIONAL – Viqueque no Manatuto     (Field Implementation Coordinator – Viqueque & Manatuto)    
Posisaun ne’e iha responsabilidade ba kualidade programa pilotu iha distritu 2 no kna’ar inklui:

  • Realizasaun ba planu traballu tuir matadalan peskiza nian  no asegura katak pesoal iha dsitritu kumpre ho prazu ba relatoriu no arkivu ba dokumentasaun;
  • Verifikasaun ba dadus iha relatoriu, elaborasaun ba istoria susesu no transmite relatoriu kompletu husi distritu 2;
  • Monitorizasaun ba atividade no fahe informasaun, ideia no sujestaun ho kolega sira seluk;
  • Halo kontribuisaun ba analise no rekomendasaun oinsá hadiar atividade, planu traballhu no material ka instrumentu utilizadu iha programa pilotu peskiza nian
  • Representa programa iha enkontru ho elementu governu nia no parseiru sira seluk.

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s