BESIK-Fasilitador Saneamentu Distrito-CD 26 Marsu 2013


BESIK-TL

BESIK-TL

A N Ú N S I U V A G A

Titulu: Fasilitador Saneamentu Distrito 
Responsável ba: Asesor Saneamentu BESIK
Durasaun: Tinan rua (ho posibilidade halo estensaun to’o tinan 4 ka liu)
Fatin: Hela iha kapita Distritu no sei halo viajen iha Distritu laran no Distritu seluk

Karik ita hakarak ajuda rezolve problema ida boot liu dezenvolvimentu nian iha mundu no urjente liu ba MDG Timor Leste nian atu atinji iha tinan 2015 no ba oin? Karik ita boot hakarak kondisaun servisu ne’ebe diak, oportunidade ba futuru ba dezenvolve karir servisu no servisu hamutuk ho ekipa programa ne’ebe hetan rekoñyesimentu internasional no manan prémiu. Entaun mak servisu hamutuk ho ekipa BESIK no Ministériu de Saúde kona-ba problema importante no urjente ba saneamentu no ijiene rural hanesan eskolla diak ida ba ita boot.

Programa Bee, Saneamento no Ijiene iha Komunidade (BESIK) faze 2, hetan orsamentu husi Governu Austrália liu husi AusAID atu fó asisténsia ba Governo RDTL hodi hala’o atividade dezenvolvimentu fornesimentu bee, saneamentu no ijiene rural (BESI Rural) iha Timor Leste. Kontrator Jerente ba BESIK mak Aurecon-IDSS.

Kobertura ba saneamentu rural kiik liu iha Timor Leste, ho ema Timor oan total 25% deit iha área rural mak uza fasilidade latrina (ijiéniku) ne’ebe diak. Target ba kobertura saneamentu rural ba Timor Leste mak ho total 55% ba MDG 2015. Hahalok ijiene esential relevante hanesan faseliman ho sabaun iha tempu kritiku mos halo ona observasaun ba populasaun rural ho média kiik (balun to’o 2% ).

Hahalok saneamentu no ijiene ne’ebe diak sai krítiku ba dezenvolvimentu saudável populasaun Timor oan tamba moras dada-is no diarreia kontinua nafatin hanesan moras boot rua ne’ebe provoka mate ba labarik sira iha Timor Leste, Pur ezemplu, iha 2010, 8% husi labarik mate ho tinan lima ba kraik tamba moras diarreia , media ás moras diarreia no kondisaun relevante seluk saneamentu nian mos fó impaktu boot ba nutrisaun labarik. Entaun saneamentu no ijiene mak hanesan fundamentu ba redusaun moras no malnutrisaun iha Timor Leste no tamba ne’e ema temi bebeik hanesan intervensaun importante tebes ba saúde iha mundu tomak iha istoria agora nian.

Ministériu de Saúde fó énfase ba nesesidade urjenti atu halo servisu saúde ambiental to’o ba komunidade. Tamba ne’e BESIK servisu hamutuk ho Ministériu de Saúde atu implementa programa pilotu inovativu no impaktu ás ba saúde ambiental nian ida hodi estabelese pozisaun sanitarian subdistritu nian ema nain 20, no tuir mai iha planu ba faze 2 iha eskala nasional. Ida ne’e ho intensaun atu fó impaktu boot ba dezenvolvimentu no saúde Timor oan sira nian. BESIK agora buka hela membru ba nia ekipa atu kompleta pozisaun fasilitasaun komunidade ne’ebe iha relasaun ba saneamentu no ijiene iha distritu Bobonaro, Liquiçá, Baucau no Lautem. Kandidatu ne’e sei kolabora hamutuk no fó apoiu ba Ofisiál Saúde Públiku Distritu ba Saúde Ambiental iha distritu alvu, ajuda halo mentoring ba pozisaun sanitarian foun iha subdistritu ida-idak no ajuda estabelese DHS no hala’o programa pilotu iha sira nia distritu ho responsabilidade no knaar xave hanesan tuir mai:

– Fo apoiu ba DHS hodi implementa involvimentu komunidade inklui PAKSI no promosaun saúde no módulu mudansa hahalok iha nivel komunidade, diretamente, ka liu husi SISCa no liu husi parseirus sira, ne’ebe halo promosaun ba igualdade jéneru no inkluzaun sosial.

– Asiste DPHO sira kona-ba Saúde Ambiental no Promosaun Saúde (ho relasaun ba atividade ne’ebe iha relasaun ba saúde ambiental) atu hala’o sira nia atividade, supervizaun, monitoring no planeamentu.
Suporta DHS no liu-liu Sanitarian Subdistritu sira iha implementasaun no monitoring kampañya kona-ba saneamentu no ijiene.no atividade relevante sira seluk.
– Fó treinamentu hamutuk ho DPHO ba saúde ambiental ba staff DHS no ONG sira ne;ebe apropriadu atu haforsa kontinuasaun prosesu, inklui monitoring no avaliasaun liu husi sistema KUBASA
-Ajuda DPHO ba saúde ambiental atu halo planu, implementa no halo relatóriu kona-ba atividade pilotu Saúde Ambiental iha kordenasaun ho DHS, no Departamentu Saúde Ambiental, DNSC
– Hala’o peskiza báziku no kolesaun dadus wainhira presiza
– Hala’o knar relevante sira seluk wainhira presiza

ABILIDADE NO EZPERIÉNSIA NE’EBE PRESIZA
• Esperiensia servisu iha dezenvolvimentu sosial/komunidade, liu-liu iha abilidade fasilitasaun ne’ebe forte.
• Esperiensia iha dezenvolve no fó treinamentu iha nivel hotu-hotu, husi Treinador to’o ba komunidade.
• Esperiensia halo fasilitasaun ba enkontru komunidade.
• Esperiensia servisu hamutuk ho parseirus sira iha nivel Distrito.
• Abilidade komunikasaun eselente/diak iha ambiente ida ne’ebe ho kultura oin-oin, no
• Koalia Tetum diak.

PROSESU APLIKASAUN
Kandidatu interesadu sira tenki haruka surat akompañyamentu (pengantar) ida, CV foun no referénsia professional nian liu husi email ba adacruz@besiktimor.org ka entrega rasik ba Admin BESIK iha Kompound DNSA, Caicoli, Dili to’o loron ikus 26 Marsu 2013 durante oras servisu. Karik iha pergunta ruma bele kontakta 3321978. Kandidatu sira ne’ebe hetan shortlist deit mak ami kontakta ba interviu.

Enkoraja mos kandidatu Feto atu hatama sira applikasaun ba pozisaun ne’e.

 

Advertisements

4 thoughts on “BESIK-Fasilitador Saneamentu Distrito-CD 26 Marsu 2013

  1. dear sir / ,madam
    first of all i would like thanks to posted this big a opportunity for the timorense people
    well do i am to apply of any position that your seeking are …
    am from Philippine but i have permanent resident here in timor leste .hope can put me on your list job ..thanks

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s